It(em) willem abeloys sone willems wile(n) abeloys in p(rese)ncia heeft genome(n)/ en(de) bekint dat hij genome(n) heeft van jannes opde(n) berch rintmeest(er) jonch(er)/ jacops joncgreve(n) te salmen thoff ter wolfshage(n) de(n) voirs(creven) jonch(er) jacoppe/ toebehoiren(de) gelege(n) inde p(ro)ch(ie) va(n) huldenberge mette(n) huyse(n) hove(n)/ wynnen(de) lande houden(de) omtrent xxiiii boend(er) en(de) v boend(er) bempts gelijc/ en(de) ind(er) selv(er) mani(er)en henric wile(n) abeloys brued(er) des voirs(creven) willems die/ goede voirtijts gehoude(n) heeft te houde(n) te hebbe(n) en(de) te wynne(n) van/ halfm(er)te lestleden eene(n) t(er)mijn va(n) negen jare(n) lang v(er)volgen(de) elx jaers/ darenbinne(n) om xxvi mudde rox goet ende payabel d(er) mate(n) va(n) loeve(n)en/ met wa(n)ne en(de) met vedere(n) wel bereyt alle jae(re) ts(int)andr(ies)misse apostels/ te betalen en(de) te loeve(n)en te lev(er)en de voirs(creven) jannes oft p(ro)cur des voirs(creven) jonch(er)/ jacops q(u)[o]l(ibet) ass(ecutu)[m] It(em) sal de voirs(creven) wynne de voirs(creven) goede houde(n) wyn(n)e(n) w(er)ve(n)/ mesten en(de) bevreden wel en(de) loflijc gelijc reengenote(n) bove(n) en(de) benede(n)/ en(de) die late(n) te wete(n) de wynt(er)aert met rogge besayt de brake en(de) de/ storte elc eens o(m)megedaen It(em) sal de voirs(creven) wy(n)ne de huysinge vande(n)/ voirs(creven) hove houde(n) wel en(de) loflijc van wande van dake van [uutgenome(n) de schuere] en(de) vand(er)/ underster rijkelen nederweert en(de) die tsijne(n) afscheyde(n) leve(re)n in alsulke(n)/ state als hij die aenveerde It(em) oftme(n) ald(aer) yet van nuws wrachte/ dair en sal de wynne niet gehoude(n) zijn anders dan dat [hij] gehouwe(n)/ sal zijn de gereesscap van steene calcke leeme houte en(de) and(er)s te/ halen d(air)me(n) hem dat cope(n) en(de) bewisen sal It(em) sal de wynne jaerl(ix)/ allet stroe vanden voirs(creven) goede(n) comen(de) int voirs(creven) hoff vuere(n) en(de) met/ zijne(n) beeste(n) etten en(de) te meste maken en(de) dat mest op tvoirs(creven) lant/ vuere(n) tslants meeste(n) p(ro)fite It(em) sal de voirs(creven) voirs(creven) wy(n)ne alle/ de(n) chijs en(de) last uuten voirs(creven) goede(n) gaende jaerlijcx betalen/ sonder afslach der so(m)me(n) voirs(creven) also in tijts dat h(er) jonch(e)r voirs(creven)/ dair bij gheen scade en lijde en(de) alle dese vorwerde(n) cor(am)/ opp(endorp) sampsoens julii vii