Vande(n) stoete opv(er)staen tussce(n) jouffr(ouwen) lijsbeth weduwe wout(er)s wile(n) va(n)/ buetschoe(re) in deen zijde en(de) henricke jans die wy(n)ne geweest is/ der selver jouffr(ouwen) in hue(re)n hove te buetschoe(re) dewelke gekijnt heeft en(de)/ gelijdt dat hij inde selve pechtinge niet meer rechts voirtane v(er)mete(n)/ en wilt en(de) dat hij zijn hande geheelijc dair af licht in dande(r) alst/ vande(n) meswynne(n) der selver goede en(de) des dair aen cleeft hebbe(n)/ hen de voirs(creven) p(ar)tie(n) gesubmitteert in segge(re)n en(de) vriendelike yffene(re)n/ Te wete(n) de voirs(creven) jouffr(ouwe) lijssbeth in willem va(n) buetschoe(re) en(de) arde/ vande(n) rode de(n) jonge(n) en(de) de voirs(creven) henr(ic) in janne blidelevens/ en(de) janne bloc in sulker vuege(n) dat de voirs(creven) seggers binne(n) viii/ dage(n) naestcomen(de) de goede visite(re)n selen en(de) infor(ma)cie d(air) af/ neme(n) en(de) binne(n) viii dage(n) d(air) na hue(r) uutsprake doen op dat/ zijs eens zijn en(de) oft zijs niet en ov(er)come(n) soe sele(n) de ii van/ hen d(air) af binne(n) viii dage(n) d(air) na een vo(n)nis va(n) rechte hale(n)/ voir scepen(en) van loeven(e) gelijc oft met rechte bedinct ware P(ro)mitt(entes)/ ratu(m) En(de) oft p(ar)tie(n) segge(re)n gebrake (et)c(etera) cockeroul zande julii ix