Item uut dien dat de gesworen(en) vanden schoenmakers hadden doen halen/ ten huyse arnts vander molen twee silve(re)n geltstoepe den vorsr(even)/ ambachte toebehoe(re)nde meynen(de) die te vercopen om te betalen/ thuys dat de selve gezworen(en) gecocht hadden tegen pete(re)n canse/ en(de) een deel vanden goeden luden vande(n) selven ambachte dat/ ter stat kynness(en) hebben gebracht bege(re)nde dat de selve/ potte onvercocht blivende gebruyct worden ter ee(re)n vander stat en(de)/ de(n) selven ambachte en(de) wederbracht ter plaetsen dair die wae(re)n/ Soe hebben de selve gezworen(en) geseeght hebben dat de/ coopmanscap vanden vors(creven) huyse gesciet wae(re) bijden meesten deele/ vande(n) geselle(n) vand(en) vors(creven) ambachte dair om zij de vors(creven) potte/ meynd(en) te v(er)coopen met meer ande(re)n reden(en) dair toe dienen(de)/ Es ten uutersten bijden raide vand(er) stat get(er)mijneert dat de/ vors(creven) potte bijden vors(creven) gezworen(en) weder gebracht zullen worde(n)/ ter plaetsen dair zij die haelden en(de) dat die onvercocht/ den selven ambachte zullen bliven zonder uut ocsuyne vande(n)/ vors(creven) coope oft ande(re)n saken vercocht oft v(er)sedt te worden mair/ dat die ombelast gehouden zullen worden ter ee(re)n vander/ stat en(de) den vors(creven) ambachte en(de) oft de vors(creven) gezworen(en) vand(er)/ coopmanscap vanden vors(creven) huyse gebrec hebben oft dat zij/ meynen dat e(n)nige vand(en) gesellen van dien te laste staen/ zullen dair af sullen de p(ar)tien aengehort worden en(de) salmen/ elcken doen recht act(um) in pleno (con)silio nove(m)bris ult(ima)