Tvo(n)nisse tussce(n) willem va(n) buetsele in deen zijde en(de) wout(er) van/ berthem in s(in)te q(ui)nt(en) strate in dande(re) alse van dat de voirs(creven) wille(m)/ meynde en(de) voirtsette dat de voirs(creven) woute(r) he(m) toegeseecht ende/ gelooft soude hebbe(n) uut te dagen zeke(r) lant te cumptich gelege(n)/ en(de) dat ten p(ro)ffite des selfs willems Op welc toesegge(n) de selve/ wille(m) den voirs(creven) woute(re)n gecuelt en(de) betaelt hadde alsulke(n) erfpacht/ als de kerke va(n) s(in)te q(ui)nt(en) d(air) op hadde en(de) d(air) voe(r) hijt uutdage(n)/ soude metgad(er)s de(n) cost d(air)op geloepe(n) also hij boot te thoene(n)/ hopen(de) dat de selve wout(er) he(m) tvoirs(creven) toesegge(n) voldoen soude oft/ he(m) te(n) mynste(n) restituere(n) zijn verlegge(n) va(n) pachte en(de) coste/ vorg(eruert) dair af hij p(rese)nt(er)de de(n) selve(n) wout(ere)n zijne(n) koese te/ hebbe(n) voir alle vo(n)nisse(n) Dair jege(n) de voirs(creven) wout(er) ond(er)/ de(n) andere(n) in sijne(n) v(er)antw(er)de(n) dede segge(n) dat hij tvoirs(creven)/ goet niet en hadde moege(n) uutdage(n) ov(er)midts dat de voirs(creven)/ wille(m) de(n) voirs(creven) co(m)mer ond(er) de wet hadde gesedt also dat/ de wethoud(er) vand(en) hove niet en woude(n) p(ro)cede(re)n hop also/ hij oec boot te thoene(n) hopen(de) d(air) om d(er) voirs(creven) aensprake(n) on/ gehoude(n) te wesen Is gewijst met dese(n) woirde(n) na aen/ sp(ra)ke v(er)antw(er)de(n) en(de) thoenis va(n) beyde(n) p(ar)tien dat so v(er)re de/ voirs(creven) wout(er) de p(rese)ntacie des voirs(creven) willems niet aen en neemt/ dat hij dan gehoude(n) sal zijn tvoirs(creven) goet met rechte uut te/ wynnen cor(am) o(mn)ib(us) dec(embris) p(ri)ma