Item nadat op heden voir meye(r) en(de) scepen(en) va(n) loven(en) come(n) es/ henric oliviers geheten mathijs die zijn genechten geseten/ heeft gehouden van scepen(en) brieve(n) van gorde luycx meynen(de)/ mits zeke(re)n reden(en) dat hij vand(er) vroenten en(de) hachte(n) vors(creven) ontslage(n)/ soude zijn dair tegen de vors(creven) gort dede seggen dat de vors(creven)/ henric in rechte niet ontfancber en soude zijn om tegen de sake/ van zijnd(er) hachten yet op te doene dan voir voir meye(r)/ en(de) scepen(en) inder vroenten op dwelc de vors(creven) henric replice(re)nde
//
dede seggen want hij hem niet gep(rese)nteert en hadde totten rechte/ vander leveringen dat hij inde banc gehoert zoude zijn/ en(de) sculdich wae(re) ontfangen te worden om te seggen de/ sake wair om hij tontrechte wae(re) gehouden So es gewijst/ met vo(n)nisse dat de vors(creven) henr(ic) met zijnen v(er)sueke/ van ontslagen te wordden vand(en) coste d(er) vroenten v(er)doolt/ wae(re) mair geliefde hem int principael te p(ro)cede(re)n/ oft vort te va(r)en tegen den vors(creven) gorde dat hij dat doen/ mochte en(de) dae(re)nteynden recht p(rese)ntib(us) o(mn)ib(us) dempto/ kersmake(re) januarii xiiii