Cont zij eene(n) yegelike(n) dat goerdt van birgen ja(n)ne wijlen berthelmeeus/ in p(rese)ncia heeft genomen ende bekint dat hij genomen heeft van/ clase vanden munste(r) als gemechticht van he(re)n claze vand(en) heetvelde/ ridders thof des selfs h(er) claes [alst de voerwynne(n) gehouden hebben] gelijc dat hijt gecregen heeft geleg(en)/

te wave(re) corbais geheete(n) thof van cr corbais dat toe te hoe(re)n/ plach janne van chaste(r) geheete(n) va(n) corbais mette(n) wynnende/ lande beemden en(de) alle ande(re) zijne(n) toebehoirte(n) uutgesceyden de bossche(n)/ den vive(re) en(de) dijck aldair Thouden te hebben en(de) te winnen/ van [half] meye naestcomen(de) eene(n) t(er)mijn van xii jae(re)n lanck v(er)volgen(de)/ deen nae dander sonder middel Elx jaers dae(re)n bynnen om en(de)/ voir lx mudden rocx der maten va(n) wave(re) wel bereyt met/ wanne en(de) vlogelen [goet en(de) droege op twe d(eniere) na de(n) beste(n)] ende om en(de) voe(r) lv rijnsche gulden(en) te/ xx stuv(er)s stuv(er) stuck tsinte andries misse vallen(de) en(de) te kersmisse/ te betalen(e) en(de) tvoirs(creven) coren te leve(re)n te wave(re) oft int hof/ voirs(creven) te leve(re)n daert he(re)n clase best gelieve(n) sal sonder des voirs(creven)/ h(er) claes cost It(em) sal de voirs(creven) wynne de voirs(creven) lande wynnen/ in drie aerden te weten den eene(n) aert met wynt(er)coren(e) op iiii/ getidege voren [xxxvi boernde(re)n houden(de)] den ande(re)n aert met somer coren(e) op twee getidege/ voren [xxxiiii boende(r) houden(de)] ende den derden aert brake met eender vore(n) houden(de) xxxii/ boende(re)n paulo [en(de) die tzijne(n) afsceyde(n) also late(n)] It(em) sal de voirs(creven) wynne alle tstroe comende/ vanden voirs(creven) goeden etten en(de) slijte(n) met zijne(n) beesten bynne(n)/ den selven hove en(de) te meste maken en(de) dat [uut] vue(re)n twee werf/ oft drie werf tsjaers opde voirs(creven) lande ten meeste(n) p(ro)fijte [also wel] opde/ verste als opde naesten It(em) oft he(re)n clase ende den wyn oft den eene(n)/ van hen geliefde e(n)nige lande te mergelen dat de sal de wyn doen/ wel en(de) loflijc maer des sal h(er) claes de dachue(re)n betalen vande(n)/ ghene(n) de die den mergel laden sullen en(de) anders niet It(em) es/ vorweerde dat [de] voirs(creven) wynne de huysingen besitten sal gelijc de/ voerwynne(n) gedaen hebben ende [op] die huysen en(de) op dande(re) sal de/ voirs(creven) wynne jairlijcx v(er)decken xv[c] walme(re) stroes metten seele/ gelev(er)t daers ald(er) meest behoeft des sal de wyn alle de stoffe/ daer toe leve(re)n [va(n) dackroede(n) va(n) bansarden? en(de) vande(n) diene(re)] en(de) den werck lieden den montcost gehe geve(n)/ en(de) h(er) claes de dachue(re)n betalen [vanden deckers] en(de) and(er)s niet It(em) est es
//
vorwerde [soe wes aende] oft de voirs(creven) huyse gebroken worden bij zijne(n) [swynne(n)]/ toedoene oft van zijne(n) beesten dat hij dat sal doen make(n)/ op zijne(n) cost en(de) alle de wande wel en(de) loflijc houden/ van plecken(en) It(em) e en(de) oft den voirs(creven) wynne e(n)nige huysi(n)ge/ gebrake(n) die salmen den voirs(creven) wynne doen bij raide vand(en)/ voirs(creven) he(re)n clase It(em) sal de voirs(creven) wynne(n) zijn beesten/ moegen laten gaen op de heyden en(de) opde bossche(n) drie jaer/ oudt zijnde en(de) anders niet en(de) oft hij zijn beesten opde voirs(creven)/ bossche liet gaen eer zij drie jaer oudt wae(re)n en(de) scade/ dair op daden dat zij zal de wyn [hij] oprichte(n) en(de) betale(n) / en(de) op oft op de bossche e(n)nige eeckelen geraecte(n) die sal/ de wyn hebben It(em) es vorwerde oft h(er) claes e(n)nige berri(n)ge/ behoefde voer hem oft voer zijn huysgesinde dat sal/ de wynne moeten halen int hof sonder h(er) claes cost It(em)/ sal de wyn zijn berringen halen en(de) houden t(er) plaetsen d(air)t/ hem he(m) h(er) claes bewijsen [sal] t(er) goeder wijs It(em) sal de voirs(creven)/ wynne [op zijne(n) cost] he(re)n clase int voirs(creven) hof jaerlijcx leve(re)n een goet/ voeder hoys en(de) stroe voer zijne p(er)de It(em) sal de wyn thoy/ vanden dijcke int hof leve(re)n op zijne(n) cost maer des saelt mijn/ hee(re) doen hoyen en(de) mayen It(em) es vorwerde dat de voirs(creven) wyn/ sal moete(n) laten gaen ii coye mette(n) herde toebehoe(re)nde/ den brude(r) vander ca(m)men aldair opde voirs(creven) bossche en(de)/ heyden en(de) niet zij bynne(n) zijne(n) bijvange It(em) en sal de/ voirs(creven) wynne aen gheen bossche noch opgaende houdt/ moegen houden [noch recht hebben] It(em) sal de wyn de beemde(n) bogaerden en(de)/ bloecke alsoe verre alst va(n) noede es sal hij moeten doen/ grechten bij raide va(n) he(re)n clase en(de) and(er)s niet en(de) des sal/ h(er) claes de helicht betalen It(em) sal her claes hebben/ tvierendeel van alle den oefte inden bogaerde(n) wassen(de)/[op dat hijt doet halen] maer des sal hij betalen(e) zijn vierendeel dat costen sal t(er) eerden te leve(re)n It(em) sal de voirs(creven) [h(er)] claes zijn wandele(n)/ en(de) zijn kee(re)n hebben int voirs(creven) hof met zijne(n) huysgesinde
//
It(em) en sal de voirs(creven) wynne gheen landt den voirs(creven) hove toebehoe(re)nde/ moegen v(er)pachten ten zij bij consente van he(re)n clase It(em) sal/ de voirs(creven) wynne te sijne(n) afsceyden de voirs(creven) goede wel en(de) loflijc/ bevreet en(de) beheymt laten noch es vorw(er)de dat de voirs(creven)/ wynne zijnder vrouwe(n) h(er) claes geselli(n)ne tweewerf tsjaers sal/ moeten halen van bruessele tot op thof en(de) weder o(m) vue(re)n/ op zijne(n) cost en(de) oft zijs niet en behoefde soe sal de wyn alsoe/ vele corweyden doen omtrent den hove des sal de wyn hebbe(n)/ te ii jae(re)n iiii ellen kakens gelijc den ande(re)n knechten maer des/ moet hij de levereye dair op doen setten It(em) sal de wyn/ dbloc aende(n) boegaert geleg(en) moeten besayt laten tsijnen/ afsceyde(n) te weten met ii siste(re)n lijnsaets met ii siste(re)n boene(n)/ met iiii siste(re)n erwete(n) en(de) met ande(re)n vruchte(n) gelijc hijt vinde(n)/ sal It(em) dbloc geleg(en) beneden der ca(m)men houden(de) v dach(mael)/ sal hij laten met have(re)n besayt want hijt alsoe vinden/ sal It(em) dblock geleg(en) aenden torre dat besayt zijn sal/ met pastue(re)n d sal hij l alsoe laten It(em) oft den voirs(creven)/ h(er) clase geliefde zijn ca(m)me ald(air) staende te v(er)setten dat/ hij dat doen mach t(er) plaetse(n) dair zij plach te stane/ met eene(n) dach(mael) groet paulo It(em) sal de voirs(creven) wynne/ te sijne(n) afsceyden laten besayt vand(en) voirs(creven) lande drie/ boender [lants] en(de) een half met tarwe(n) en(de) en sal gheen stroe/ te sijne(n) afsceyde(n) moegen uute(n) hove vue(re)n It(em) sal den/ wynne corten tsinte andries misse naestcomen(de) aende(n) pacht/ die dan i vallen sal xx mudden corens der m mate(n)/ voirs(creven) ni en(de) niet meer En(de) alle dese vorwerden cor(am)/ sa(m)pson zande febr(uarii) xxv