Tvo(n)nisse tussce(n) ja(n)ne vande(n) zijpe die genome(n) heeft jege(n)/ magriete(n) singhels i wijng(ar)t gelege(n) in s(in)te q(ui)ntens strate uutcomen(de)/ voir t(er) strate(n) met i gestijpte en(de) poirtkene d(er) voirs(creven) mag(rie)te(n)/ leefdach langk elx jaers om xlv st(uvers) gelijc scepen(en) br(ieve)/ dat uutwisen in deen zijde en(de) der voirs(creven) magriete(n) in dande(re) alse/ vande(n) voirs(creven) gestijpte en(de) poirte(n) die onlanx ned(er) gevalle(n) zijn de/ welke de voirs(creven) jan meynde dat de voirs(creven) magriete sculdich ware/ te doen h(er)make(n) en(de) alsoe tvoirs(creven) goet te bevreden Dair jege(n) de voirs(creven)/ magriete meynde na recht dair inne niet gehoude(n) te zijne mair dat/ de voirs(creven) jan zijne(n) vrede vande(n) voirs(creven) goede(n) selve houde(n) soude/ huere(n) leefdach lange gemerct dat de voirs(creven) scepen(en) brieve de (con)t(ra)rie/ niet en begripen Es gewijst met desen woerden dat de voirs(creven)/ magriete vand(er) aensprake(n) die de voirs(creven) jan vande(n) zijpe te huer/ weert gedaen heeft ongehoude(n) zijn sal cor(am) o(mn)ib(us) scab(inis) febr(uarii) xxv