Item jouffruwe margriete molemans weduwe jans wilen bowerijn in p(rese)ncia/ heeft gekint en(de) gelijdt dat hue(r) jan de bock sone wilen jans woenen(de)/ tantwerpen afgequijt heeft en(de) wael vernueght alsulken thien blau crone(n)/ te xl pl(a)c(ken) tstuc lijfpensien als zij jairlix behouden hadde van dien twee/ ponden xvi s(cellingen) vi d(enieren) ouder groete turnoese gelijc de stat van bruessel/ jairlix hue(re)n pensionarise betaelt lijftochten te hue(re)n live staende die/ der selver jouffr(ouwe) bijden vors(creven) janne vi dage in julio lestleden opde/ vors(creven) x blau cronen na afgeleeght wae(re)n De welke zij met scepen(en)/ brieven van loven(e) vander daet xiiii[c] xxvi xxviii dage in januario/ jairlix hue(re)n leefdach lanc heffen(de) was aen en(de) op div(er)se goede en(de)/ onderpande des selfs jans de bock te sempse en(de) dair omtrent/ gelegen die de selve scepen(en) brieve naerd(er) v(er)cle(re)n met stucken ende/ reengenooten Bekynnende hue(r) de selve jouffr(ouwe) van dien vors(creven)/ x blau cronen alse vanden principalen en(de) oic pachte volcomenlijc/ vernueght ende betaelt Scelden(de) den selven janne dair aff/ volcomelic quijt en(de) zijn goede vors(creven) en(de) oic erfgenamen Gelovende/ die dair af ny(m)mermeer aentespreken te vexeren noch te moyen in/ gheenen rechte gheestelijc noch weerlijc bij hue(r) selven noch nieman(t)/ anders in gheend(er) manier(re)n en(de) jegen eenen yegeliken [h(ier) af] recht warant/ te zijne cor(am) oppendorp cockeroul aug(usti) x