Dit es dtractaet vand(er) zoene(n) die geraemt is vande(n)/ doot slage gesciet bij lenarde kynschot van antwerpe(n)/ inden p(er)soen van henricke wilen schuerman/ Inde(n) yerste(n) sal de voirs(creven) lenart de(n) voetval doen inde(n) goidsh(uys) vanden/ augustijne(n) te loeven(en) opde(n) dach va(n) hede(n) aen gord scuerman oem des/ voirs(creven) dooden inde(n) name en(de) als recht mo(m)boir vand(en) ii wettige(n) knapele(n)/ kijnde(re)n onmu(n)dich wesen(de) die de voirs(creven) dode heeft achtergelaten/ It(em) de selve lenart heeft gelooft voir de zoene voirs(creven) meest(er) willem(me)/ de draye(re) cyrurgijn en(de) woute(re) va(n) vlaende(re)n lxx guld(en) te x stuv(er)s/ stuc om de(n) voirs(creven) ii wettige(n) kynde(re)n d(air) af de lx guld(en) aengeleecht/ te w(er)de(n) te(n) meeste(n) p(ro)fite Die te betale(n) binne(n) xiiii nachte(n) na sinte/ denijs dach naestcomen(de) in sulker vuegen als des voirs(creven) doden/ kynde(re) mu(n)dich zijn kyesen zij dan de zoene dat hen dan de/ pe(n)ninge metten p(ro)ffite van dien volge(n) zelen en(de) kyesen zij de/ veede soe sal den voirs(creven) sculdigen en(de) de(n) zijne(n) de pe(n)ni(n)ge met/ den voirs(creven) profite(n) werdergekeert werden En(de) dand(er) x guld(en)/ selen des voirs(creven) doode(n) bastaerde(n) gegeve(n) werde(n) en(de) aengeleecht/ als boven vande(n) eene(n) op den ande(re)n te versterve(n) Dwelc/ aldus volvuert en(de) voldaen te werden de voirs(creven) meest(er) wille(m)/ en(de) wout(er) aengenome(n) en(de) gelooft hebben te doene It(em) de/ voirs(creven) lenart heeft gelooft op lantzoene te doene een bedev(ar)t/ te trierie? en(de) dien te porren binne(n) xl dage(n) naestcomen(de) en(de) goede/ w(aer)heit d(air) af te bringe(n) It(em) de voirs(creven) lenart heeft gelooft t(er)stont/ te v(er)crige(n) hond(er)t zielmissen gedaen te w(er)den voir de ziele des/ voirs(creven) dooden Te wete(n) deen helicht d(air) af te(n) augustijne(n) voirs(creven)/ en(de) dand(er) helicht te my(n)d(er)bruede(re)n te loeven(en) It(em) de selve/ lenart heeft gelooft janne scuerman vader vande(n) voirs(creven)/ dooden thien guld(en) te(n) p(ri)se als voir en(de) goerde scuerman/ vii gelike gulden(en) te hue(re)n willen te bekeeren Inde sunt/ fideiussores laure(n)cius kynscot frater dicti leonardi will(el)mus/ d(i)c(t)us steyneman nicholaus backe(re) o(mn)es de antwerpia jacob(us)/ de scaffene(n) johannes borreman joha(n)nes d(i)c(t)us juede et ph(ilipp)us/ vanden wijngarde o(mn)es (com)mor(antes) in lovanio Et exin(de) p(ro)mis(eru)nt/ d(i)c(t)i f(rat)res will(el)mus et nicholaus reliquos eoru(m) complices/ indempnes (con)s(er)vare insup(er) promiseru(n)t d(i)c(t)i fratres p(re)fatos/ will(el)mu(m) steyneman et nicholau(m) backere indempnes relevare/ Testes johannes sampson et arnoldus vanden zande scabini/ lovanien(sis) datu(m) anno d(omi)ni millesimo quadringentesimo quinquage/ simo septimo me(n)s(is) februarii die vicesima sexta