Na dat henric reynir als geleit tot de(n) goede(n) mychar le bastar/ de halley liberts en(de) mychars zijnre kijnde(re)n voir de(n) rade vand(er)/ stad getoge(n) heeft jannese de roux om i boend(er) lants alsoet geleg(en)/ is bij petit halley inde(n) ban va(n) ha(n)nut gehete(n) pottenier tussce(n)/ de(n) wech gaende va(n) halley te tyetels w(er)t in deen zijde en(de) de(n)/ goede(n) h(er) willems va(n) haller ridd(er)s in dande(re) dwelc de voirs(creven)/ geleydde meyndde dat he(m) toehoirde Dair jege(n) de voirs(creven)/ ja(n)nes heeft v(er)antw(er)t en(de) ond(er) den ande(re)n doen en(de) late(n) blijke(n)/ eene(n) scepen(en) briefve vande(n) hov leenhove des abts va(n) s(in)te laur(eys)/ en(de) zijne(n) ma(n)ne(n) va(n) leene d(air) af tvoirs(creven) goet gehoude(n) w(er)t/ dat tvoirs(creven) goet de(n) voirs(creven) mycharde de(n) vad(er) met i vo(n)nis/ diffinitijf aff en(de) de(n) voirs(creven) ja(n)ne aen gewijst ware(n) eer en(de)/ voe(r) tvoirs(creven) beleit gesciede So is bijde(n) rade vander stad/ get(er)min(er)t en(de) bij p(ar)tien (con)sente geappointeert dat de voirs(creven) goede/ blive(n) en(de) volge(n) sele(n) de(n) voirs(creven) ja(n)nese tot d(er)re tijt toe dat hij/ d(air) uut gewo(n)ne(n) sal wese(n) bij de(n) voirs(creven) mycharde oft andre(n)/ recht d(air) toe willen(de) hebbe(n) voir de(n) voirs(creven) leenhoff hier/ inne v(er)sien wa(n)t de voirs(creven) henri tvoirs(creven) boend(er) lants op dit/ jege(n)woirdich jaer gewonne(n) en(de) besaeyt heeft ond(er) titel van/ eene(n) vo(n)nis va(n) (con)tu(m)acie(n) voir he(m) en(de) jege(n) de(n) voirs(creven) ja(n)nese/ geloepe(n) dat he(m) d(air) om de vruchte(n) nu d(air) op staende volge(n)/ sele(n) Act(um) et det(erm)i(n)atu(m) in pleno (con)silio augusti xii