Wij couck(eroul) sampson scepen(en) va(n) loeven(e) doen cond alle(n) liede(n) dat/ voir ons come(n) zijn lodewijc py(n)noc sone he(re)n lod(ewijcx) wile(n) py(n)nox/ rijdd(er)s in deen zijde en(de) jonch(e)r(e) librecht he(re) te meldert met jouff(rouwen)/ ka(tli)[ne(n)] py(n)nox zijnre medegeselli(n)ne(n) in dande(re) kinnen(de) en(de) liden(de) dat/ zij bij middele va(n) e(n)nige(n) hue(re)n vriende(n) same(n)tlijc eens worde(n) zijn/ en(de) overcomen van alle(n) de(n) goede(n) die wilen ware(n) des voirs(creven) he(re)n lod(ewijcx)/ en(de) vrou marie(n) va(n) corte(n)bach vad(er) en(de) moed(er) lod(ewijcx) en(de) jouff(rouwen) ka(tli)[ne(n)] voirs(creven)/ des h(ier) na volcht dwelc zij malcandere(n) gelooft hebbe(n) te voldoene/ en(de) d(air) op te verthide(n) talle(n) tide(n) als deen de(n) and(er)en des v(er)mane(n) sal/ Inde(n) yerste(n) dat de(n) voirs(creven) jonch(e)r(e) libr(echt) en(de) jouff(rouwen) ka(teli)[ne(n)] volge(n) sele(n)/ de goede va(n) moriarsart en(de) de c pet(er)s erflik(er) rinte(n) ind(er) mate(n)/ also de huwelike vorwerde des selfs jonch(e)r(e) libr(echt) en(de) jouff(rouwen) ka(teli)[ne(n)]/ uutwijst Item dat de(n) selve(n) jonch(e)re libr(echt) en(de) jouff(rouwen) ka(teli)[ne(n)] noch volge(n)/ sele(n) op oft van den goede(n) des voirs(creven) wile(n) her lod(ewijcx) in brab(ant) geleg(en)/[wel v(er)pa(n)t] x m(ud)[de(n)] rox erfs pachts loeven(sche) mate(n) It(em) dat de(n) selve(n) gehuyssc(en)/ noch volge(n) sal vande(n) vliegen(de) erve na d(er) voirs(creven) vr(ouwe) marien/ gebleve(n) alsulke(n) gul(den) halsbant en(de) iii v(er)gul(den) croese als de voirs(creven)/ jouff(rouwe) ka(teli)[ne] in huere(n) handen heeft It(em) dat den voirs(creven) lod(ewijcke) py(n)noc/ volge(n) sele(n) behalve(n) des voirs(creven) steet vold(aen) zijnde alle de [ande(re)] goede/ het zijn leene eyge(n) en(de) chijsgoede(n) met de(n) vlieg(ende) erve en(de) have(n)/ wair die belege(n) zijn oft hoe zij genoemt moege(n) wesen so v(er)re/ die bleve(n) zijn na de doot des voirs(creven) wile(n) h(er) lod(ewijcx) en(de) vrouwe/ marie(n) by(n)ne(n) oft buyte(n) lants Ende dat de voirs(creven) lod(ewijc) zij(n)re voirs(creven)/

zuster in rechter ghifte(n) gheve(n) sal den beste(n) mantel en(de) dbeste welb/ en(de) d(air) op sal hij alsoet behoirt drage(n) en(de) sculd(ich) zijn te drage(n) alle(n)/ last va(n) sculde(n) en(de) gelofte(n) d(air) inne de voirs(creven) h(er) lod(ewijc) en(de) vr(ouwe) marie/ gehoude(n) mochte(n) zijn oft sculd(ich) wesen sond(er) de(n) voirs(creven) lod(ewijc) [jonch(e)re libr(echte)] d(air) inne/ e(n)nichssins gehouden te wesen aug(usti) xii