It(em) de voirs(creven) laur(eys) met (con)sente des voirs(creven) pet(er)s als geleit tot zijne(n) goede(n)/ heeft bekint dat hem midts de(n) voirs(creven) xii holl(antsche) guld(en) lijftochte(n) bij de(n)/ voirs(creven) ja(n)ne en(de) henr(icken) volcomelijc genoech gedaen en(de) gesciet is van alle(n)/ de(n) goede(n) dair inne hij va(n) zijns wijfs oft huers vaders wegen in e(n)nig(er)/ manieren gericht mocht wesen uut crachte van e(n)nige(n) testame(n)te oft/ anderssins in wat maniere(n) dat ware en(de) heeft hen d(aer) af volcomelijc/ quite gescouwen en(de) alle(n) de(n) ghene(n) dient aengaen mach Geloven(de) dair af/ de selve ne(m)m(er)meer te vexere(n) aen te spreke(n) noch te moeye(n) bij hen selve(n) noch/ bij nyeman(ne) and(er)s in gheene(n) rechte gheestelijc noch weerlijc Geloven(de)/ voirt oft de selve geswage(re)n van desen in e(n)nige(n) tijde(n) nacomen(de) beg(er)de(n)/ e(n)nig(er)ande vestich(eit) wair dat wae(re) dat hij hen alt(oes) die doen sal sond(er)/ zijne(n) cost eisd(em)