SAL7352, Akte: V°157.5-R°158.1 (331 van 660)
Akte V°157.5-R°158.1
Act
Transcriptie
2015-08-30 door kristiaan magnusNae dat gielijs vander beke op heden voe(r) den raide vand(er) stat opgedaen/
heeft dat hij uut sijne(n) goeden te molhem te saventhen en(de) dair omtrint/
gelege(n) v(er)crege(n) jegen jonch(e)r henrike van scoenhove(n) van outs sculdich/
hadde geweest ende jairlix betaelt wijlen he(re)n wencelijne ts(er)claus/
ridde(re) xx mudde corens d(aer) af p(ar)tie(n) dobbele proces van vesticheid(en) hadde(n)/
En(de) want de weduwe en(de) derfgename(n) des selfs her wencelijns sijne/
vors(creven) goeden meynde(n) te prame(n) van te hebben deene van hen xx mudde/
en(de) dand(er) oic xx mudde bove(n) dien nochta(n) dat hij mair een rinte sculd(ich)/
en wae(re) bij reden(en) die hij opdede Ende dat dat derfgename(n) ten bijwese(n)/
vand(en) momboe(re)n der vors(creven) weduwe(n) gekint hadde(n) voir wet te bruessel alsoe/
hij boot te thoene(n) Soe v(er)socht hij dat hij vande(n) vors(creven) dobbelen processe/
wae(re) v(er)laete(n) en(de) dat hij gestaen mochte met eene(n) betale(n) van xx mudde(n)/
tsjaers dair jegen jan rijkart mits eenre procuratie(n) hem gedaen voir
//
wet te bruessel vand(en) weduwe(n) des voirs(creven) wijle(n) her wencelijns zeyde dat/ hem alsoe hij meynde nae inhoud der guedingen van scepen(en) brieve(n) va(n) loven(en)/ die de vors(creven) weduwe hadde vanden selve(n) rinten van xx mudde(n) betalinge/ gescien soude oft dat hij dair af trecken soude te rechte voir meye(r) en(de)/ scepen(en) van loven(en) dair dat behoirde Den vors(creven) gielise dair jege(n) met/ alrehande woirden replice(re)nde Soe es ten utersten get(er)mineert voir/ recht dat want de vors(creven) p(ro)curacie des vors(creven) jans nae der stat recht/ van loven(en) niet genoech en es om vanden p(ri)ncipalen rechts te moge(n) plege(n)/ voir tgerichte van deser stat dat dair om de vors(creven) gielis gestaen sal met/ eenre betalinge(n) van xx mudde(n) tsjaers alsoe hij tot noch betaelt heeft/ tot d(er)re tijt toe dat de vors(creven) p(ar)tie(n) die meer souden willen eysschen bij/ hen selven oft ande(re)n der saken mechtich nae deser stat recht bij crachte/ vanden vors(creven) scepen(en) brieve(n) meer gewonnen selen hebben p(ar)tien in rechte/ gehoirt ter plaetsen dair dat behoe(re)n sal Ende uut dien dat de vors(creven)/ jan opdede dat de vors(creven) gielis xx mudden pachts gevallen ts(in)t andries/ misse anno lvii sculdich wae(re) Versueken(de) dair af betalinge en(de) de/ vors(creven) gielis die p(rese)nteerde te doen tot behoef vanden ghene(n) dien die/ toebehoe(re)n Bij alsoe dat hij met eene(n) betale(n) mochte gestaen Soe es/ voirt geclaert dat de vors(creven) gielijs gestaen sal den vors(creven) pacht te/ setten onder wet te bruessel tot behoef vand(en) ghene(n) die dair/ inne gericht es Actu(m) in pleno (con)silio januarii xxiiii
//
wet te bruessel vand(en) weduwe(n) des voirs(creven) wijle(n) her wencelijns zeyde dat/ hem alsoe hij meynde nae inhoud der guedingen van scepen(en) brieve(n) va(n) loven(en)/ die de vors(creven) weduwe hadde vanden selve(n) rinten van xx mudde(n) betalinge/ gescien soude oft dat hij dair af trecken soude te rechte voir meye(r) en(de)/ scepen(en) van loven(en) dair dat behoirde Den vors(creven) gielise dair jege(n) met/ alrehande woirden replice(re)nde Soe es ten utersten get(er)mineert voir/ recht dat want de vors(creven) p(ro)curacie des vors(creven) jans nae der stat recht/ van loven(en) niet genoech en es om vanden p(ri)ncipalen rechts te moge(n) plege(n)/ voir tgerichte van deser stat dat dair om de vors(creven) gielis gestaen sal met/ eenre betalinge(n) van xx mudde(n) tsjaers alsoe hij tot noch betaelt heeft/ tot d(er)re tijt toe dat de vors(creven) p(ar)tie(n) die meer souden willen eysschen bij/ hen selven oft ande(re)n der saken mechtich nae deser stat recht bij crachte/ vanden vors(creven) scepen(en) brieve(n) meer gewonnen selen hebben p(ar)tien in rechte/ gehoirt ter plaetsen dair dat behoe(re)n sal Ende uut dien dat de vors(creven)/ jan opdede dat de vors(creven) gielis xx mudden pachts gevallen ts(in)t andries/ misse anno lvii sculdich wae(re) Versueken(de) dair af betalinge en(de) de/ vors(creven) gielis die p(rese)nteerde te doen tot behoef vanden ghene(n) dien die/ toebehoe(re)n Bij alsoe dat hij met eene(n) betale(n) mochte gestaen Soe es/ voirt geclaert dat de vors(creven) gielijs gestaen sal den vors(creven) pacht te/ setten onder wet te bruessel tot behoef vand(en) ghene(n) die dair/ inne gericht es Actu(m) in pleno (con)silio januarii xxiiii
Nagekeken door: Jos Jonckheer
Moderator: Jos Jonckheer
Laatste update:: 2012-09-13 door Sabrina Keyaerts