Alsoe op heden voir den raide vander stat als op dach van rechte come(n)/ sijn claus van sinte goricx natuerlic voir hem selven vranck/ pynnoc van weghen lodewijcx van schore en(de) bertelmeeus de/ hont inden name jans gielis als borghen gielis boode alse/ vander officien vanden clercscape vanden heylighengheeste/ bynnen loven(en) in deen zijde ende de vors(creven) gielis in dande(re) Aldair/ de vors(creven) borghen versochten om hen en(de) hue(re) erfgenamen ombelast/ te bliven vander selver borchtocht en(de) dair af ontslagen te/ wezen Seggende dat zij voir den selven gielise niet/ langer inde borchtocht en begheerden te stane mits alrehande/ presompcien die zij hadden teghen den selven gielise Dair/ teghen de selve gielis seyde onder den ande(re)n dat hij meynde/ na recht dat de vors(creven) zijn borghen also der vors(creven) borchtocht/ niet quijt en zouden wezen noch reden(en) en hadden dat te/ versueken(e) Gemerct dat zij vand(er) selver saken niet beschadicht/ en wae(re)n noch oic beschadicht en souden worden metten/ welcken de selve borghen niet te vreden en wae(re)n Versueken(de)/ dair om in beyden [sijden] trecht Es ten uut(er)sten tusschen de vors(creven) p(ar)tien/ get(er)mijneert en(de) uutgesproken dat de vors(creven) borghen metten vors(creven) gielise/ gehouden zullen wezen int voldoen vanden gebreken des vors(creven)/ gielis alse vand(er) officien vors(creven) zeder ter tijt dat hij de selve/ officie aenverde met gad(er)s der rekeni(n)gen die de selve gielis va(n)/ sijnen bewynde al noch sculdich is van doene en(de) die incluys/ En(de) op dat de vors(creven) gielis met zijnen vors(creven) borghen bij [die] hem/ om tvors(creven) hue(re) ontslach inde vroente hebben doen setten niet/ overcomen en can dat hij dan totten voldoene vanden selve(n)/ gebreke(n) en(de) rekeni(n)ghen gehouden sal bliven En(de) dat volschiet/ sullen [de] selve borghen van dan vortaen vand(er) vors(creven) borchtocht/ ongehouden bliven teghen de stat momboe(re)n vanden heylighen/ gheeste en(de) eene(n) yegeliken dient aengaen mach Act(um) in pleno/(con)silio maii xxi