It(em) de vors(creven) jacop sal metten vors(creven) brieve(n) geleyt wordde(n) totten goeden der/ vors(creven) ii p(er)sone(n) en(de) dat gedaen en sal hij hem dair mede niet mogen behulpe(n)/ dan om voldaen te sijne nae der stat recht vanden brieve vander lijfpensien/ vors(creven) op (con)dicie want de vors(creven) jacop oic met lovenschen brieve(n) van jannes/ de ruyssce als geleit gegoet es in seke(re) goede des vors(creven) stevens die hem in/ sijne(n) weduwen stoele toecomen sijn staen(de) onder ons opten daet augusti/ viii[a] lestleden soe verre de vors(creven) jacop van dien goeden betalinge vand(er)/ vors(creven) lijfpen(sien) gecrige(n) mochte dat hij die betalinge dair voir al sueken/ sal moete(n) en(de) oft hem die niet werdden en mochte dan yerst werken metten/ beleide vors(creven) ende hem voldaen vand(en) vors(creven) lijftochtbrieve salme(n) den selve(n)/ lijftochtbrief tvoirs(creven) bekin en(de) dbeleid te nyeute doen mair de guedinge/ sal blive(n) staen(de) tot jacops behoif soe die nu steet cor(am) eisd(em)/