It(em) nadat vast vele handelinghen al hier int recht geweest es tusschen/ janne godfroit den jongen die voer hem en(de) in orbe(re) van janne(n) sine(n)/ vader geleidt es totten goeden jans morael indeen zijde den selve(n)/ janne morael in dande(re) en(de) henrick taingins(ar)t die met ande(re)n brieve(n)/ dan de voers(creven) godfroit geleydt es totte(n) goede(n) des selfs jans moreal/ inde derde zijde alse vander scult die de voers(creven) ja(n) moreal der/ stad va(n) zijne(n) poert(er)gelde tot desen dage toe sculdich es en(de) vander/ scout die de selve moreal den voers(creven) janne godfr(oit) en(de) zijne(n)/ vader soe va(n) principael soe va(n) costen sculdich es Soe es men/ opde(n) dach va(n) heden ov(er)come(n) en(de) es oec bij ov(er)geven(en) va(n) p(ar)tien op/ hede(n) ov(er)comen nae alle [voer]gesciedenisse(n) ov(er)dragen inde(n) raide vand(er)/ stad des hier nae volght Ierst dat de voers(creven) jan godfroet/ de jonge t(er) stont der stad v(er)nuegen sal va(n) al des de voers(creven) jan/ moreal der stad va(n) poirt(er)gelde totte(n) dage toe va(n) heden tachter/ es Ende voert dat de voers(creven) jan moreal den voers(creven) janne godfr(oit)/ sijn en(de) sijns vaders gebreck cuelen en(de) vernuegen sal ten dage/ en(de) paymi(n)ten gescreve(n) inde(n) tractate tussche(n) hen gemaict xvii hui[(us)]/ mensis geregistreert staende ond(er) meest(er) raese vande(n) heede En(de)/ ofts de voers(creven) jan godfroit gebreck hadde aen e(n)nich vande(n) selve(n)/ paymi(n)ten oft dat hem de voers(creven) ja(n) moreal zijn v(er)leggen vander/ stad poirt(er)gelde niet restitue(re)n en woude in dien gevalle sal/ henr(ic) tainginsart met zijne(n) beleyde voe(r) geruert soe verre des hij/ des nae recht macht heeft en(de) aende goede in zijne(n) beyleyde/ begrepe(n) behulpen sonder zijne(n) d cost dat hij vande(n) selve(n) v(er)legge(n)/ en(de) paymi(n)te(n) voe(r)geruert met coste en(de) co(m)me(re) die voertaen ind(er)/ saken soude mogen loope(n) v(er)nueght en(de) betaelt sal worde(n) cor(am)/ lye(ming)[en] willem(air) burgim(a)g(ist)ris oct(obris) xxv/