It(em) nae dat aert reers in deen zijde en(de) jan reers voer hem en(de) met/ sijne(n) medeplichters in dande(re) come(n) zijn voer den raide vand(er) stad/ opde questie vander deylinge(n) der goede reyners reers huers vaders/ daer af de selve reyne(re) sijn tocht aerde voirs(creven) als va(n) sijnen/ kinsgedeelte ov(er)geve(n) heeft es get(er)mineert dat de voers(creven) jan met/ zijne(n) medeplichte(re)n de voers(creven) deylingen sulle(n) doen op aerts/ gedeelte verthien ter plaetse(n) daer dat behoirt en(de) oft zij des/ niet en doen dat dan de selve deylinge sal gescien en(de) gedaen/ worden mette(n) he(re) en(de) den rechte en(de) dat ten coste der gheenre die/ dat geweygert hadde(n) te doene p(rese)ntib(us) willem(air) burg(imagistro) et plur(ibus)/ aliis de consilio no(vembris) xii/