Item al eest dat de vors(creven) gerardus vanden vors(creven) janne baussele oft ande(re)/ in sijnen name vanden vors(creven) janne inde vors(creven) goede die leengoede/ sijn rueren(de) vanden abt van vlied(er)beke gegoet sal worden sond(er)/ condicie simpelijc So es nochtan vorweerde en(de) heeft geconsenteert/ de vors(creven) gerard(us) evenverre de vors(creven) gehuyssche de vors(creven) goede quite(n)/ teenemate metter so(m)men van sevenen(de)vijftich guld(en) te x stuv(er)s/ tstuc en(de) dat zij die den vors(creven) gerard(us) betalen tusschen dit ende/ vanden heylighen kerstdaghe naestcomen(de) over een jair dat/ dan de selve gerard(us) hem wederom sond(er) sijnen cost inde vors(creven)/ goede setten en(de) cleeden sal met rechte op also dat de selve/ gehuyssche ten tijde vander quijtinghen willen swere(n) te(n) heyligen/ dat zij die quiti(n)ge doen te hue(re)n behoef en(de) tot niemans and(er)s behoef/ met huers selfs gelde en(de) met nyemans and(er)s gelde cor(am) eisd(em)/