Item jacop van donghelbeert woenen(de) te loven(en) inde grymstrate in p(rese)ncia heeft/ genomen en(de) bekint dat hij genome(n) heeft van vrou beat(ri)cen bijden gedoege goids/ abdisse des goidshuys vand(er) rameyden tegewoirdich sijnde thoff en(de) de goede/ metten woeni(n)gen huysen hoven winnen(de) landen beemde(n) eeusselen chijsen rinten/ thienden grote en(de) cleyne en(de) allen ande(re)n hue(re)n toebehoirte(n) desselfs goidsh(uys)/ geleg(en) te pyetrain en(de) d(aer) omtri(n)t gelijc reyne(re) rae vaes voe(r) en(de) godschaul/ wijlen couckeroul nae gehouden hebben in pechtinge(n) en(de) gelijc oic de
//
weduwe desselfs wijlen godschauls die alnoch houden(de) es en(de) niet voird(er) Te houden te/ hebben en(de) te winnen van halfm(er)te naistomen(de) over een jair eene(n) t(er)mijn van xii/ jae(re)n lanc v(er)volgen(de) Elx jairs dae(re)nbinne(n) de voirs(creven) goide metten woeni(n)ghen/ huysen hoven winnen(de) landen beemde(n) eeusselen chijsen en(de) rinte(n) om en(de) voe(r)/ xxiiii m(ud)[de] cor(ens) Ende de vors(creven) thiende grote en(de) cleyne om en(de) voe(r) lxiii m(ud)[den]/ cor(ens) (½) mudde witt(er) erweten en(de) (½) m(ud)[de] boonen Elx goet en(de) payabel mate/ van loven(en) en(de) om xii mudden even(en) goet en(de) payabel maten van geldenake/ Te weten x vaten geheeten stier d(er) selv(er) maten voir elc d(er) selv(er) maten [mudden]/ gerekent Ende oic om en(de) voe(r) xii mottoen(en) te weten vii st(uvers) voir twee/ d(er) selv(er) st(uvers) gerekent tsint andriesmisse apostels altemale jairlix te betale(n)/ en(de) tvoirs(creven) greyn int vors(creven) hof opden nee(re)n aldair den rintmeest(er) oft den/ geco(m)mitteerden des vors(creven) goidshuys te leve(re)n jairlix den vors(creven) t(er)mijn due(re)nde/ q(u)[o]l(ibet) ass(ecutu)[m] It(em) es vorweerde dat de vors(creven) jacop den voirs(creven) goidshuyse/ jairlix den voirs(creven) t(er)mijn due(re)nde int vors(creven) hof leve(re)n sal vi[c] schoefve stroes/ half roggen en(de) half even(en) en(de) dat de vors(creven) jacop sijnen vors(creven) t(er)mijn due(re)nde/ jairlix te kersmisse den co(n)vente gheve(n) sal den coeke gelijc dande(re) wynnen/ voirmails hebben gedaen Item sal de vors(creven) jacop int voirs(creven) hof noch jairlix/ leve(re)n v[c] walme(re)n om de huysinge ald(aer) mede te deckene en(de) alsmen die ald(aer)/ v(er)decken sal soe sal de vors(creven) jacop den werclieden den montcost gheven/ en(de) tgoidshuys de dachue(re)n betalen Item allen den leem diemen tott(er)/ rep(ar)acien vand(en) voirs(creven) goeden behoeve(n) sal sal de vors(creven) jacop leve(re)n/ en(de) die houden in goeden state van vorsten en(de) vander underster rijkelen ned(er)w(er)t/ op sijnen cost Item is vorweerde dat de voirs(creven)[jacop] d(er) vors(creven) vrouwe(n) der/ abdissen gheven sal jairlijcx een dossijne kieken(en) sijnen t(er)mijn due(re)nde/ En(de) dat hij oic jairlix betalen sal alsulken iii s(cellinge)? vi d(enieren) en(de) iiii dossijne(n)/ even(en) oft d(aer) omtrint als tvoirs(creven) hof sculdich is jairlix seke(re)n p(er)sone(n) sond(er)/ alfslach d(er) vors(creven) so(m)men alsoe in tijts dat dair af gheen schade en come/ Ende oftmen bevonde datt(er) meer chijs oft rinten uut ghinghe oft dat/ meer sculdich wae(re) die de winnen voirmails betailt hebben op hue(re)n/ last en(de) sonder e(n)nich afslach dien sal de voirs(creven) jacop desgelix sculdich sijn/ altijt the ghelden en(de) te betalen oic sond(er) afslach oft cortsel vand(er) vors(creven)/ so(m)men sond(er) arghelist It(em) voirt es vorweerde en(de) heeft de vors(creven) m(ijn)/ vrouwe dabdisse den voirs(creven) jacoppe geloift vand(en) voirs(creven) goeden ten/ incomen van sijne(n) vors(creven) t(er)mijne te leve(re)n den wint(er)art en(de) loflic
//
en(de) getidichlic gheackert bevrucht en(de) besaeyt met coirne en(de) desgelix xviii/ boend(er) lants soe brake soe o(m)megedaen die de selve jacop ten uutgaen/ zijns t(er)mijns alsoe laten moet Item es vorweerde dat de voirs(creven) jacop hebbe(n) en(de)/ te hemw(er)t trecken sal ten lesten jae(re) van sijnen voirs(creven) t(er)mijne alle de p(ro)ufite(n)/ en(de) v(er)vallen vand(en) voirs(creven) cleynd(er) thienden comen(de) tot sint jansmisse toe/ na duytgaen vand(en) selven t(er)mijne It(em) wairt tsake dat de vors(creven) jacop/ e(n)nige schade lede oft hadde van tempeeste gemeyne(n) orloghe rijdinge(n)/ en(de) anders datme(n) hem dat afcortten en(de) d(aer) af rastoir doen sal na/ costume d(er) secundarie kerken van ludic en(de) gelijc reengenoten bove(n) en(de)/ beneden sond(er) arghelist It(em) es vorweerde dat de vors(creven) jacop inde/ vors(creven) goede setten sal eenen goeden wyn diese houden en(de) winnen/ sal wel en(de) loflic alse dat behoe(re)n sal en(de) die de vors(creven) lande ten/ vi jae(re)n eens wel en(de) loflic ov(er)mesten sal alsoe wel de veerste/ als de naiste Ende oft d(aer) inne gebreck viele dat heeft de selve/ jacob der voirs(creven) vrouwen altoes geloift te voldoene metgad(er)s al/ des voirs(creven) steet Ende desgelijcx heeft m(ijn) vrouwe den vors(creven) jacoppe/ zijne voirs(creven) vorweerden geloift alt(oes) te voldoene sonder bedroch/ It(em) es vorweerde dat de vors(creven) jacop t(er) manissen m(ijn) vrouwe(n) vors(creven)/ voir de voldoeni(n)ge en(de) t(er) sekerheit van des voirs(creven) steet d(er) selv(er)/ m(ijn) vrouwe(n) tonderpande setten oft bewijsen sal x oft xii mudde(n)/ corens erfspachts op sijne goede te piet(re)meal gelege(n) om inden/ gevalle oft in des vors(creven) steet gebreck viele dat gebrec d(aer) aen te/ mogen recup(er)e(re)n en(de) verhalen en(de) anders niet Item es vorweerde dat/ den vors(creven) jacoppen altijt in deser pechtinghen oft in e(n)nich vand(en)/ vors(creven) geluften sijne rekeni(n)ghen passe(re)n selen met quitancie(n) met m(ijn)/ vrouwen d(er) abdissen seghel besegelt En(de) alle dese vorweerd(en) cor(am)/ nausnyde(re) zande sept(embris) s(e)c(un)da