Wij zande colonia scepen(en) te loeven(en) doen cond alle(n) [liede(n)] dat voir ons/ come(n) zijn in p(ro)pren p(er)sone g(er)trud az deniers weduwe ernoul wilen/ bozeal in deen zijde en(de) robbert az deniers hue(re) neve sone wilen robberts/ az deniers in dande(re) Ende zijn bij tussce(n)spreken va(n) hue(re)n vriende(n) mynlic/ ov(er)comen en(de) eens worde(n) vand(er) questien tussce(n) p(ar)tie(n) zijnde uut saken/ van e(n)nige(n) scepen(en) brieve(n) van loeven(en) die de voirs(creven) robbert heeft spreken(de)/ op de(n) voirs(creven) wilen ernoul bozea en(de) g(er)trud az deniers en(de) d(aer) o(m)me/ de voirs(creven) g(er)trud de(n) voirs(creven) robbert voir de(n) rade vand(er) stad met hue(re)n/ v(er)suecbrieve(n) bescreve(n) en(de) ontbode(n) hadde en(de) van des dien e(n)nichssins/ aengaen mach ind(er) forme(n) en(de) maniere(n) na bescreve(n) Te wete(n) dat/ de voirs(creven) g(er)trud de(n) voirs(creven) robbert en(de) zijne(n) erve(n) en(de) nacomelinge(n) over/ gegeve(n) heeft en(de) met desen l(ette)ren ov(er)gheeft voir hue(re) heere(n) erfgename(n)/ en(de) nacomelinge(n) om bij hem tewige(n) dage(n) besete(n) en(de) geposseert/ te werden een half boender lants also dat belege(n) is inde prochie va(n)/ gheldenake(n) op tvelt gehete(n) audessoulz larbre al croix Behoud(elic) d(er)/ voirs(creven) g(er)trude(n) hue(re) vry tocht also lange zij leven sal en(de) niet la(n)ngh(er)?/ d(aer)inne de voirs(creven) g(er)trud gelooft heeft de(n) voirs(creven) robbert te goede(n)/ en(de) te vestige(n) tsijnre manisse(n) voir hoff en(de) hee(re) d(aer)af me(n) dat selve/ half boend(er) houden(de) is op de(n) co(m)me(re) en(de) last d(aer) voe(r) uutgaende Om/ dwelc de voirs(creven) robbert gelooft heeft t(er) manisse(n) d(er) voirs(creven) g(er)trude(n) alle/ brieve bekinne oft gelofte [die] voir scepen(en) va(n) loeven(en) hem bij de(n) voirscr(even)/ gehuysscen oft e(n)nige(n) va(n) hen voirtijts bekent moege(n) zijn en(de) soe v(er)re/ hij die weet oft heeft En(de) allet des d(aer)uut gesprote(n) mach zijn te/ nyeute te doen geheelijc en(de) al oft hue(r) die ov(er) te gheve(n) also hij die/ heeft oft hebben mach en(de) algad(er) sond(er) fraude en(de) argelist Bekinnen(de)/ he(m) de voirs(creven) robbert met des voirs(creven) is ge vand(er) voirs(creven) is g(er)trude(n) va(n)/ allet des zij te he(m)w(er)t gehoude(n) mach zijn genoech gedaen zijnde en(de)/ geloven(de) hue(r) noch hue(re)n goede(n) in nacomen(de) tide(n) bove(n) des voirs(creven) steet/ ne(m)m(er)meer voirtane te vexe(re)n te moeyen noch aentespreke(n) in gheene(n)/ rechte gheestelic noch w(er)lijc zande colonia sept(embris) xix/