Wij [vacat] scepen(en) va(n) loeven(en) doen cond en(de) kinlijc allen liede(n)/ dat voir ons come(n) zijn in p(ro)pren p(er)sone lijsb(eth) scrij(n)mak(er)s wed(uwe) ghijsbrechts/ wilen kyps met woute(re)n en(de) lijsbetten kyps hue(re)n wettige(n) kijnde(re)n vide(licet)/ d(i)c(t)a elisab(eth) p(ri)us ema(n)cipata en(de) gielijs bollart sone wilen jans woenen(de)/ te vynckenbosch in deen zijde en(de) jan reyns sone reyne(re)n wilen reyns/ woenen(de) te tielt ons(er) vrouwen indandere En(de) hebben samentlijc sp(ra)ke/ gehouden en(de) zijn guetlijc ov(er)come(n) alse vanden tween wettelike(n)/ kijnde(re)n Te wete(n) henneken ende neelken gebleve(n) na de doot jans/ wilen bollarts brued(er)s des voirs(creven) gielijs en(de) zanne(n) wilen kyps zijne(n)/ wive wettige dochter was des voirs(creven) wilen ghijsbrechts en(de) lijsbette(n)/ scrijnmakers dat de voirs(creven) jan reyns t(er) stont aenveerden sal/ de voirs(creven) he(n)neken en(de) neelken ende die houden wel en(de) teemelijc/ na hue(re)n staet va(n) eten en(de) drincken cleede(re)n en(de) schoen vanden/ daghe van heden seven jaer lang v(er)volgende Ende des hebbe(n) de/ voirs(creven) lijsbeth en(de) hue(re) kijnde(re) als naeste leven(de) van hen vand(er) moed(er)/ zijden en(de) de voirs(creven) gielijs bollart als naeste leven(de) van svaders/ wegen geconsenteert en(de) gewillecoirt dat de voirs(creven) jan reyns mette(n)/ selve(n) kijnde(re)n hebben sal alle de have en(de) vliegenderve dat de(n) selve(n)/ kijnde(re)n bleve(n) is en(de) dair met zijne(n) eyghen(en) wille doen het zij die/ te v(er)coepen(e) oft and(er)ssins d(aer)af te disponeren het ware dat de voirs(creven)/ kijnderkijn sterve(n) oft te live bliven en(de) des sal de voirs(creven) jan reyns/ gehouden zijn te betalen trecht vand(er) heylig(er) kerken vande(n) ouders/ der voirs(creven) kijnde(re)n en(de) d(aer)toe i(½) pet(er) en(de) vi stuv(er)s die de voirs(creven)/ moed(er) in hue(re)n dootbedde bekint heeft sculdich te wesen Item/ om de kijnderken voirs(creven) te bat en(de) te willichliker gehoude(n) te werde(n) bij/ den voirs(creven) janne reyns So heeft de voirs(creven) gielijs bollart den voirs(creven)/ janne reyns gelooft om gods willen te betalen seve(n) gulde(n) rijd(er)s/ d(er) mu(n)te(n) ons gened(ichs) he(re)n tsh(er)togen Te wete(n) alle jare eene(n) d(aer)af met/ bespreke waert also dat neelken voirs(creven) hie(re)nbinne(n) aflivich worde dat/ de voirs(creven) gielijs van de voirs(creven) rijd(er)s te betale(n) los vry en(de) ongehoude(n)/ sijn sal/