It(em) ter ordina(n)cie(n) en(de) t(er)minacie(n) vander stad heeft de voirs(creven) ja(n) va(n) wynxele/ zijne(n) eedt gedaen en(de) lijflijc te(n) heylige(n) geswore(n) doen de voirs(creven) katheline/ zijn na(tur)like dochter quam tot der navolgen(de) rinte(n) va(n) xviii rijd(er)s erflijc voir/ scepen(en) va(n) loeven(en) en(de) de voirs(creven) jan tot de(n) gronde oft onderpande der/ selver dat dat was te dier meyni(n)ge(n) dat hij metter selver rinte(n) zijnen/ vryen eygen(en) wille doen soude en(de) woude En(de) te dien ynde bekinde zij/ hue(re)n vad(er) voirs(creven) m(ar)tii x a(n)no lvii den scoutbrief dair uut tvoirs(creven) beleit/ gespruyt is doen hij gecreech opde selve pande x rijd(er)s erflijc d(aer)af tp(ro)ces/ van dier guedingen te nyeute gedaen waert junii xxi t(er) tijt als de voirs(creven)/ xviii rijd(er)s v(er)crege(n) worde(n) Ende aldus sal de voirs(creven) jan va(n) wynxele bij crachte/ der selv(er) t(er)minacie(n) die altijt bij (con)sente en(de) believe(n) d(er) voirs(creven) ka(theli)[ne(n)] de(n) voirs(creven)/ scoutbrief in zijne(n) hande(n) machte en(de) crachte gehadt heeft uut machte/ vande(n) voirs(creven) beleyde de voirs(creven) rinte va(n) xviii rijd(er)s houde(n) hebben ende/ besitte(n) tot ewige(n) daghen en(de) zijne(n) wille dair mede doen Actu(m) in pleno/ consilio sept(embris) xxv/