Item mits dien dat laureys lonijs scoenmake(r) woenen(de) opden keyberch nu cortsweghx/ hem gepijnt heeft quaet regement aenteneme(n) en(de) zee(r) onverdrachlijc met kath(er)inen/ leemans sijnen wijve te leven(e) en(de) zijn goede en(de) renten te v(er)coopen Soe es den selve(n)/ laureyse bijden raide vand(er) stat bevolen tghene des vors(creven) is niet meer te doen/ noch te hante(re)n Dwelc de selve laur(eys) also gelooft heeft tachtervolgen opde/ correctie vand(er) stat p(rese)nt(ibus) o(mn)ibus in consilio januarii v