SAL7355, Act: V°94.3-R°95.1 (228 of 490)
Search Act
previous | next
Act V°94.3-R°95.1  
Act
Date: 1461-12-03

Transcription

2019-09-06 by kristiaan magnus
Item jonch(e)r librecht hee(r) te meldert te buedingen te vrodelingen (et)c(etera)/
in deen zijde ende wout(er) van vlaenderen in dandere die elc van hen/
besunde(r) zeke(r) erfrinte(n) hebben op de goede willems cas gehete(n) van/
caefcourt Te weten de voirs(creven) jonch(e)r librecht twintich rijd(er)s vallende/
omtrint xxii dage in meye staende t(er) quitinge(n) te twee malen elke(n)/
pe(n)ning met xviii van oudere(n) date dan de rinte des voirs(creven) wout(er)s/
beloepende jaerlijcx xxv clincarde Sijn samentlijc ov(er)come(n) en(de) eens/
worden dat de voirs(creven) wout(er) van nu voirtaen hue(r) beyder pande en(de)/
onderpande die den voirs(creven) jonch(e)r librechte tandere(n) tiden bij meye(r) en(de)/
scepen(en) van loeven(en) en(de) metten leenrechte gelev(er)t en(de) in hande(n) gesedt/
zij geweest onbelet vande(n) voirs(creven) jonch(e)r librechte sal moege(n) aen/
veerden hantere(n) en(de) hantplichten also lange de voirs(creven) wouter/
hem jaerlijcx betaelt ende v(er)nuecht zijn voirs(creven) rinte met alsulken/
tachterheit alsme(n) bij goeder rekeni(n)gen die jannes smet des voirs(creven)
//
jonch(e)r librechts rintmeester gelooft heeft te doene tussce(n) dit ende/
kersmisse naestcomen(de) bevinde(n) sal datme(n) den selve(n) jonch(e)r alnoch/
sculdich is Op welke tacht(er)heit de voirs(creven) jonch(e)r librecht bekint heeft/
alsnu gehave(n) te hebben vande(n) voirs(creven) woute(re)n thien rijd(er)s eens en(de) de/
selve wouter heeft gelooft de(n) voirs(creven) jonch(er) librecht en(de) jouffr(ouwe) ka(tlij)[ne(n)]/
py(n)nocx zijnre medegesellinne(n) noch thien rijd(er)s te betalen tusschen/
dit en(de) grote vastelavonde naistcomende t(am)q(uam) as(ecutu)[m] op dat de voirscr(even)/
tachterheit alsoe vele gedrecht Ende oft de rekeni(n)ge gedaen/
zijnde de tachterheit meer gedroege dan de voirs(creven) xx rijders/
die sal de voirs(creven) wout(er) betalen met den voirs(creven) lesten x rijd(er)s ende/
waert bevonde(n) datme(n) den voirs(creven) jonch(e)r librecht min dan de voirs(creven)/
so(m)me(n) sculdich ware dair met soude wout(er) gestaen ende waert dat/
min ware dan de voirs(creven) x rijd(er)s so soude de voirs(creven) jonch(e)r de(n) voirscr(even)/
woutere(n) restitucie doen vanden surplus En(de) va(n) alsulker rekeni(n)ge(n)/
en(de) hanteringen des voirs(creven) jonch(e)r(e)n heeft gelooft de voirs(creven) ja(n)nes de/
smet den voirs(creven) woute(re)n warand te zijne en(de) d(aer) af jege(n) eene(n) yege/
liken inne te stane als schout en(de) int(er)est mette(n) rechte ver/
wonnen also v(er)re wettige rekeni(n)ge gdrage(n) sal Welke rinte va(n)/
xx rijders voirs(creven) de voirs(creven) wout(er) gelooft heeft m(ijn) jonch(e)r en(de) zijne(n)/
erve(n) en(de) nacomelinge(n) jaerlijcx wel en(de) wettelijc te betale(n) na in/
hout der scepen(en) br(ieve) dair af zijnde tot d(er)re tijt toe dat die/
afgequeten worden tymple m(er)sberge dec(embris) t(er)cia
Contributorskristiaan magnus
Moderated bykristiaan magnus
Last update: 2017-02-28 by Jos Jonckheer