Cont zij allen lieden dat arnt vand(er) lynden sone wilen jans woenen(de)/ te cortbeke over dile in p(rese)ncia heeft genomen en(de) bekint dat hij genome(n)/ heeft teghen meester janne lobbe secretarijs der stat van loven(en) als/ man en(de) momboir jouffr(ouwe) dorotheen hershals zijns wijfs thoff/ metten wynnen(de) lande beempden eeuselen en(de) allen ande(re)n/ sijnen toebehoerten gelegen te cortbeke over dile toebehoe(re)nde/ der vors(creven) jouffr(ouwe) gelikerwijs die goede jan de becke(re) vortijts in
//
pechtingen te houden plach Te houden te hebben en(de) te wynnen va(n)/ half merte naescomen(de) eenen t(er)mijn van ix jae(re)n lanc deen/ na dander zonder middel vervolgen(de) elx jaers dae(re)nbynnen om/ en(de) voir xviii mudden rox een half mudde terwen en(de) xii mol(evaten)/ haverneele elx grains goet en(de) payabel d(er) mate(n) van lov(en) met wa(n)ne/ en(de) vlogelen wel bereit alsulcx als opde vors(creven) lande wassen/ sullen tsinte andriesmesse apostels te betalen en(de) te loven(en) te/ leve(re)n den vors(creven) meest(er) janne quolib(et) ass(ecutu)[m] Item is vorw(er)de/ dat de vors(creven) wynne de vors(creven) lande wynnen werven en(de) mesten/ sal wel en(de) loflijc gelijc reengenoten boven en(de) beneden Item/ sal de vors(creven) wynne allet stroe vanden vors(creven) goeden comen(de) etten met/ sijnen beesten en(de) dmest dair af comen(de) te meste maken en(de) dat vue(re)n/ opde vors(creven) lande also wale opde verste als opde naeste Item sal/ de vors(creven) wynne jairlix ten behoirlike tijde als hij des versocht sal/ zijn iiii oft v dage te voren vand(er) vors(creven) meester janne alle zijn/ wijne van zijnen wijngarden te loven(en) en d(air) omtrent wassende/ gehouden zijn ten huyse des voirs(creven) meester jans te leve(re)n en(de)/ des sullen hem dan cortten d(air) voir de xii mol(evaten) haverneele/ Item sal de voirs(creven) wynne jairlix leve(re)n int voirs(creven) hoof xxx mandelen/stroes walme(re)n om de huysinghe vand(en) selven hove mede te decken/ en(de) alsmen die ald(air) v(er)dect oft and(er)sins plect oft mest van ouden/wercke sal de vors(creven) wynne den wercluden den montcost gheven en(de) de/ selve meester jan sal die dachue(re)n betalen Item sal sullen de/ vors(creven) [b] wynne en(de) [a] meester jan allet dooft jairlix int vors(creven) hof wassen(de)?/ half en(de) half deilen en(de) des vors(creven) meester jans helicht te lov(en)/ leve(re)n tzijnen coste huys Item sal de vors(creven) wynne tzijne(n) leste/ jae(re) opden blaesscherberch metten ande(re)n landen dair toe behoe(re)nde/ besaeyt laten omtrent v boend(er) en(de) i(½) dachmale gelijc hijse vant inde(n)/ yersten jae(r) ten arde en(de) de stortte sal hij om doen uutgescheiden/ een boend(er) dat hij geheel laten sal en(de) de brake sal hij desgelix/ geheel laten dart somercoren gestaen sal hebben Item sal de/ vors(creven) wynne tsijnen afscheiden allet mest dat hij te wynt(er)/ gemaect sal hebben met sijne(n) beesten inde messie laten en(de)/ dat tstroe sal hij etten tot halfmerte toe Item sal de vors(creven)
//
wynne halen calc steene savel leem tiegelen stroe oft anders desme(n)/ behoeft aende refectie vanden huysen vors(creven) uutgescheiden van nyeuwe(n)/ wercke d(air) af soude de vors(creven) wynne ongehouden zijn It(em) sal de vors(creven)/ wynne alle de wende vanden huysingen vors(creven) houden tzijnen/ coste vand(er) nederster rikelen totter platen Item sal de vors(creven) wynne/ jairlix den vors(creven) t(er)mijn lanc due(re)nde sonder cost des vors(creven) meest(er)/ jans alle de weghe omtrent den vors(creven) goeden liggen(de) houden ende/ repareren en(de) desgelix de waterloope omtrent den selven hove ruyme(n)/ en(de) veghen ten behoirlike tijde wanneer des te doen sal sijn Item/ sal de vors(creven) wynne de(n) chijse [erfpacht] uuten voirs(creven) goeden gaende gedragen(de) vii/ mol(evaten) en(de) tderdel van i mol(evat) even(en) inder afcorttingen vanden pachte/ vors(creven) jairlix betalen also in tijts dat de vors(creven) meest(er) janne d(air) bij/ gheene scade en lijde Item sal de vors(creven) meester jan den vors(creven) wynne/ den voirg(eruerde) t(er)mijn lanc due(re)nde tallen twee jae(re)n ghevnen dlaken/ tot eenen tabbarde gelijc hij zijne(n) knapen gheven sal Item en/ sal de voirs(creven) wynne gheen vanden voirs(creven) goeden ten lesten drie/ jae(re)n mogen hoervruchten Ende alle dese vorweerden (et)c(etera) roel(ofs)/ ouder(ogghe) januarii xvii

Hebben(de) gelooft te voldoene tallen tijden en(de) t(er)mijne(n) dat/ die vallen en(de) verschi(n)e(n) sullen en(de) telken t(er)mijne als v(er)reicte/ scout En(de) oft geborde dat de vors(creven) wynne arnt aflivich wordde/ voir en(de) eer den vors(creven) t(er)mijn expiereerde zoe is vorwerde en(de) heeft/ de vors(creven) meest(er) jan geconsenteert dat hem dan de vors(creven) pechtinghe/ volgen sal der vors(creve) ja(n)ne va(n) dyeve(n) roelants iud(oco) abs(oloens) ja(nuarii) iiii a(nno) lxix