It(em) al eest dat den voirs(creven) brief sprect ter maniss(en) te betalen soe es nochtan/ vorweerde dat de voirs(creven) peter hem dair mede niet voird(er) behulpen en/ sal dan om te gec(ri)gen tsinte m(er)tensmesse naestcomen(de) sessentsestich en(de)/ een half mudden rocx en(de) neghen mudden tarwen elcx grains goet ende/ payabel droeghe der maten en(de) pacht van loeven(en) onghewormt ende/ ongheschoten met wanne ende vloeghelen wel bereyt die de vorscr(even)/ p(er)sone op hue(re)n last den vors(creven) pete(re)n te loven(en) leve(re)n mote(n) op [sijne(n) ... en(de) dan vort op] eene solde(r) die/ hij hen bewijsen sal t(am)q(uam) ass(ecutu)[m] Mair inden gevalle oft ten oeghste naestcomen(de)/ tcore(n) te berthe(m) oft [en(de)] d(air) omtri(n)t oft e(m)mer tcore(n) dair voe(r) af geruert w(er)t en(de) dair/ de voirs(creven) pet(er) mede betailt soude werdde(n) niet droeghe inne gedaen en ware
//
en(de) droeghe en wae(re) als sijt leverden soe sal de vors(creven) peter metten/ voirs(creven) brieve verhalen opde voirs(creven) p(er)sone en(de) hue(r) goede ten daghe/ vors(creven) voir elc mudde rox neghenthien stuv(er)s ende voir elc mudde/ tarwen sessentwintich stuv(er)s d(er) mu(n)ten ons gened(ichs) he(re)n ts(er)toghen/(et)c(etera) oft tcoren vors(creven) dwelc den vors(creven) pete(re)n best gelieve(n) sal/ sond(er) d(er) vors(creven) p(er)sone oft yemants wed(er)segghen met alle(n) coste(n) die hij/ d(air) o(m)me sal moighen doen het sijn costen van rechte oft ande(re) aengesien/ dat de vors(creven) pet(er) den vors(creven) p(er)sone(n) tvors(creven) coren graen opden dach van/ heden droeghe en(de) ongeschoten geleent heeft eisd(em)