Item de vors(creven) jan van buetsele heeft bij ordinancien vanden rechte/ voir den raide vand(er) stat genomen opden eedt die hij lijflijck/ ten heyligen dair toe dede dat hij tvoirs(creven) vercoopen vander vors(creven)/ goeden des vors(creven) hectors niet gedaen en heeft geveynsdelijc/ noch om yemande te vercortten mair bloetelijc heeft hij de/ selve goede vercocht op hoghen met voirgaenden gebooden/ uut(er) macht vanden vors(creven) beleide om te vervallen ende te/ betalen alsulken ix r(ijnsche) guld(en) erflic aen jacope van ravescote/als hij dair voir de vors(creven) jan met janne van ranshem janne/ van beringen janne de molde(re) en(de) wouter pauwels voir/ den vors(creven) hectoren borghe bleve(n) zijn met scepen(en) brieven van/ loven(en) gelijc die selve [brieve] uutwisen staen(de) den pe(n)ninc te [quiten met] xviii gelike(n)/ en(de) also es den selven janne van buetsele inden raide vand(er) stat/ georlooft tvors(creven) v(er)coepe(n) te doen Actum in pleno consilio m(ar)cii/ xix