Item goessen uuten lyeminghen scrijnmake(r) heeft gekint en(de) gelijdt/ dat van alsulken onderhalf hondert mudden corens lovensche als/ hij geleeght heeft corttelinghe op ii solders inden ham die hij/ gehuert heeft tegen [eenen] geheten goessen legwercke(re) en(de) op eenen solde(r)/ inde percstrate die hij gehuert heeft teghen m(ar)grieten dewasschersse/ he(re)n janne cornet priester en(de) m(ar)grieten van cuggelberghe toebehoe(re)n/ de tweedeele en(de) hem niet meer dan tderdel Want de selve/ her jan en(de) m(ar)griete tghelt vanden incope vanden vors(creven) twee/ deele vernueght en(de) betaelt hebben ende zoe wes baten oft/ proffit vanden selven i(½)[c] mudden corens [bove(n) de principael pe(n)ningen] comen sal want sijse/ gelikerhant sliten en(de) uuten(en) sullen die wy(n)ninghe sullen zij vande(n)/ geheelen coren(en) voirs(creven) gelijc trecken Mair wes laste van crympsel/ oft and(er)s d(air) af comen mochte oft verlies dat god versie dair/ af sal de voirs(creven) her jan en(de) m(ar)gr(iete) dragen de tweedeele en(de) de vors(creven)/ goessen tderdel behoudelic dat de vors(creven) her jan cornet zijnen/ leefdach lanc zijnen wille meerde(re)n en(de) mynde(re)n hebben sal inde/ vors(creven) tweedeele en(de) proffiten d(air) afcomen(de) En(de) oft de selve her/ jan afflivich worde eert tselve geuutent sal sijn sullen bloetlijc/ de tweedeele vand(en) vors(creven) coren(en) metten proffiten opde manie(re) [vors(creven)] volgen/ d(er) vors(creven) m(ar)grieten roel(ofs) cock(eroul) maii ix