Cont zij allen lieden dat henric vander molen sone wilen/ joris in p(rese)ncia heeft genomen en(de) bekint dat hij genomen/ heeft teghen pete(re)n rogghe sone wilen geldolfs thoff mette(n)/ huysen hoven wynnen(de) lande beempden eeuselen en(de) allen ande(re)n/ zijnen toebehoerten uutgenomen den wijngart metten lande/ d(air) onder voir thof vors(creven) dbachuys de half schue(r) tduyfhuys/ dwijnhuys den dorkelder den zoldere boven den neren de/ wate(re)n en(de) vischgrechten omgaens den vors(creven) hove gelegen ter/ elst toebehoe(re)nde den vors(creven) pete(re)n Te houden te hebben en(de)/ te wynnen van half meye naestcomen(de) eenen t(ermijn) van/ sesse jae(re)n deen na dand(er) sond(er) middel vervolgen(de) elx/ jaers dae(re)nbynnen om en(de) voir de vors(creven) wynnen(de) lande om en(de)/ voir de helicht van alle(n) den vruchten d(air) op jairlix wassende/ tsint andries messe en(de) de vors(creven) beempden en(de) eeuselen om en(de)/ voir twelf cronen te xxiiii stuv(er)s tstuc tsinte mertens messe/ inden wynter te betalen den vors(creven) pete(re)n en(de) tvoirs(creven) coren te loven(en)/ te leve(re)n daert den vors(creven) pete(re)n gelieve(n) sal telcken t(er)mijne/ als schout metten rechte verwonnen Item es vorweerde dat/ de vors(creven) wynne de helicht des vors(creven) peters te weten(e) dierste voed(er)/ en(de) also voir over ander voeder inde schue(r) st des vors(creven) pet(er)s/ staen(de) int vors(creven) hoof leve(re)n sal zoe wanneer dat gedeilt sal/ zijn Item en sal de vors(creven) wynne tcoren te ve en(de) de vruchte(n)/ te velde liggen(de) inde(n) bant niet mogen doen ten zij t(er) p(rece)ncien/ des vors(creven) pet(er)s oft zijns boden Item is vorweerde dat de/ vors(creven) wynne de vors(creven) lande wynnen werven en(de) mesten sal/ wel en(de) loflic gelijc reengenoten bove(n) en(de) beneden ten prise van/ eertwynnen en(de) die laten tzijne(n) afscheiden gelic hij die vant/ Te weten(e) den wynt(er)art houden(de) omtrent x dachmale met/ terwen en(de) v vierdele met erweten vanden weghe ned(er)wert/ op vier voren Item den somerart met ghersten op drie/ voren en(de) de brake eene(n) omgedaen behoudelic dat de vors(creven)/ wynne leve(re)n sal [als dan] tsetghelt van xi mol(evaten) erweten Item sal de/ vors(creven) wynne den vors(creven) pete(re)n ts(int) mertensmesse naestcomen(de) betalen/ xiii mol(evaten) witter eerweten goet en(de) payabel d(er) mate(n) va(n) loven(en)
//
en(de) te loven(en) leve(re)n Item sal de vors(creven) wynne den vors(creven) pete(re)n den/ vors(creven) t(er)mijn lanc due(re)nde o leenen een eynde van zijnd(er) schue(re)n/ om des vors(creven) pet(er)s vruchten [dair inne] te leggen in dien gevalle oft den/ selven pete(re)n zijn schue(r) te cleyne viele en(de) and(er)s niet Item/ sal de vors(creven) wynne heben zijn gebruyc int bachuys om te/ backen Item is vorweerde oft int vors(creven) hoff e(n)nighe huysinge/ wae(re)n die de selve wynne niet en behoefde dat hij die/ sal moghen verhue(re)n en(de) die hue(r) salmen bekeren inde refectie/ vand(en) vors(creven) huysinghen Item sal den vors(creven) pete(re)n alleene toebehoe(re)n/ alle de truncwilleghen en(de) [alle] boome mair des sal de vors(creven) peter/ de goede jairlix eens wel en(de) loflic bevreden zonder de vors(creven)/ wynne d(air) inne enich recht te hebben behalven dat de selve/ wynne also vele loocx jairlix sal mogen neme(n) om de ghate/ wordde(n) dair e(n)nighe gemaect van beesten [oft and(er)s] mede te stoppe(n) en(de)/ te vermaken Item en sal de vors(creven) wynne gheene gherste vand(en)/ vors(creven) hove comen(de) mogen vercopen die pe(n)ningen en zullen volge(n)/ den vors(creven) pete(re)n om dweideght vors(creven) d(air) aen te verhalen Item es/ vorwerde dat den vors(creven) pete(re)n en(de) wynne te gelike allet ooft/ jairlix wassen(de) op de vors(creven) goede volghen sal en(de) dat zullen sij/ geliker hant doen lesen en(de) ter eerde(n) liggen(de) half en(de) half deylen/ en(de) des vors(creven) pet(er)s helicht sal hij vue(re)n en(de) leve(re)n te loven(en) op des/ vors(creven) wynne cost Item sal de vors(creven) wynne jairlix leve(re)n int/ vors(creven) hoof xxxii mandelen goed(er) costbair walme(re) om de huysinge/ mede te decken en(de) als men die aldair verdect sal de vors(creven)/ wynne den wercluden den montcost gheve(n) en(de) peter sal de/ dachue(re)n betalen Item sal de vors(creven) wynne halen alle [hout] steene sale latte(n)/ savel calc en(de) leem diemen behoeven soude mogen int vors(creven)/ hoff van oudenwercke Item sal de vors(creven) wynne alsmen dair and(er)s/ dect plect oft mest oft oic ty(m)mert van ouden wercke den werclude(n)/ den montcost gheven en(de) pet(er) de dachue(re)n Item sal de vors(creven) wynne/ jairlix de huysinghe vand(en) vors(creven) hove houden in goeden state/ vander underster rikelen nederweert behoudelic dat de vors(creven) pet(er)/ hem die wel gereet sal leve(re)n tzijne(n) income(n) Item sal de vors(creven) wynne/ jairlix den vors(creven) pete(re)n leve(re)n also vele walms om zijn wijng(ar)de/ aldair liggen(de) met te binden Item sal de vors(creven) wynne jairlix
//
alle de grechten liggen(de) int vors(creven) goet ruymen en(de) veghen en(de) die/ eerde tallen drie jae(re)n vue(re)n int duederste vanden beempden/ Item sal de vors(creven) wynne de straten en(de) wegen voir tvors(creven) goet/ liggen(de) houden en(de) maken en(de) de grebben diken dat dlant niet/

ewech en wel en(de) loflijc sond(er) argelist Item sal de vors(creven) wynne/ jairlix alle de vorlen roden Item sal mach de vors(screven) wynne/ alle de haghen liggen(de) aende lande [en(de) beempden] truncken ten behoirliken/ tijde om zijn berringe d(air) aen te neme(n) behoud(elic) dat hij die/ sal houden staende in goeden state Item sal de vors(creven) wynne den/ vors(creven) pete(re)n desen naesten wynter een veerse die hem pet(er)/ leve(re)n sal wynte(re)n Item sal de vors(creven) wynne na half merte/ voir dafscheiden vanden vors(creven) hove gheene beesten mogen/ laten gaen inde vors(creven) beempde Item mach de vors(creven) wynne/ op dat hem gelieft te halven tijde vand(ern) vors(creven) hove scheide bij/[also dat hij dat een jair te voren condicht] Item en sal de vors(creven) wynne op de vors(creven) vruchten gheene/ beesten laten gaen en(de) oft geborde sal hij dat den vors(creven) pete(re)n/ oprichten ter taxacien van goeden mannen Item es vorweerde/ dat de vors(creven) wynne alle hout wijn en(de) staken vand(en) vors(creven)/ hove comen(de) [sal] moeten leve(re)n te loven(en) den vors(creven) pete(re)n Item sal/ de vors(creven) wynne jairlix dlendeken onder den wijngart moete(n)/ erien en(de) egghen alst den vors(creven) pete(re)n gelieft Item sal de vors(creven)/ wynne jairlix uute(n) vors(creven) beempden vue(re)n de wijng(ar)t staken/ op [den] wijngart vors(creven) Item sal de vors(creven) pet(er) zijnen koose hebben/ zoe wanneer tvoirs(creven) coren opt velt gemandelt steet over/ ande(re)n hoep Item en sal de vors(creven) wynne gheen stroe vand(en)/ vors(creven) goed(en) comen(de) mogen vercoopen noch ewech gheven m(air) dat/ etten met zijne(n) beesten en(de) te meste maken en(de) dat vue(re)n/ opde vors(creven) lande tslants meesten proffite Item en sal de vors(creven)/ wynne bynnen den vors(creven) t(er)mijne gheene and(er) lande mogen/ nemen zond(er) consent des vors(creven) pet(er)s Item sal de vors(creven)/ wynne jairlix de lande besayen met terwen zoe v(er)re dat/ terwe dragen mach en(de) niet and(er)s behalve(n) dat hij sal moge(n)/ besayen voir zijn broetcoren een boend(er) met rechte [rogge] Item es/ noch vorweerde dat de vors(creven) [wynne] de stoffe om den neren inde/ schue(r) te maken sal moeten halen en(de) den wercman sal hij den
//
cost gheven Item sal de vors(creven) peter sijn helicht van zijne(n)/ coren(en) doen dersschen op zijnen cost Item sal de vors(creven) wynne/ tsijnen afscheiden de messie int vors(creven) hof bloet laten en(de) dat/ vue(re)n opde vors(creven) land tslants meesten proffite ende alle dese/ vorweerd(en) cor(am) couck(eroul) ouderogge maii xi