Cont zij allen lieden dat willem abeloys sone wilen willems/ woenen(de) ter wolfshaghen in p(rese)ncia heeft genomen en(de) bekint dat hij/ genomen heeft teghen janne opden berch [en(de) goessen(en) vand(er) stoct] als procur(eur)s en(de) vorgengers/ des edelen jonch(e)r jacops greve te salmen als des gemechticht thof/ des selfs greven metten wynnen(de) lande beempden eusselen ende/ allen ande(re)n sijnen toebehoerten gelegen t(er) wolfshaghen vors(creven) gelic/ de selve willem dat ald(air) in pechtinghen voirtijden gehadt heeft/ Te houden te hebben en(de) te wynnen van half merte naestcomen(de)/ eenen t(er)mijn van neghen jae(re)n lanc deen na dand(er) zond(er) middel/ vervolgen(de) elx jaers dae(re)nbynnen om en(de) voir achtentwintich/ mudden rox goet en(de) payabel der maten van loven(en) met wanne/ en(de) vloghelen wel bereit tsinte andriesmesse apostels te bet(alen)/ en(de) te loven(en) te leve(re)n den vors(creven) procur(eur)s d(air)t den selven gelieve(n)/ sal en(de) telcken t(er)mijne als vervolghde schout Item is vorw(er)de/ dat de vors(creven) wynne de vors(creven) lande den vors(creven) t(er)mijn lanc due(re)nde/ jairlix wynnen werven en(de) mesten sal wel en(de) loflijc gelijc/ reengenoten boven en(de) beneden en(de) die laten tzijnen afscheide(n)/ gelijc hij die aenvert heeft Te weten(e) den wynt(er)ardt/ besaeyt en(de) g op iiii getideghe voren den somerart eens om/ gedaen en(de) de brake gheheel Item es vorweerde dat de/ vors(creven) wynne de huysinghe vanden vors(creven) hove den vors(creven) t(er)mijn/ lanc due(re)nde temelijc houden sal tsijnen coste van wande en(de)/ dake uutgescheiden van metselryen en(de) nyeuwe ty(m)meringhe/ en(de) vander schue(re)n d(air) staende die de vors(creven) procur(eur)s houden moete(n)/tzthue(re)n coste ende alle dese vorweerden (et)c(etera) lyemi(n)gen witte maii/ xxv