It(em) jan diericx de jonge woenen(de) te morchove(n) in p(rese)ncia heeft gehuert/ en(de) bekint dat hij gehuert heeft jege(n) henricke vande(n) dale pelsmake(r)/ als geleit na den rechte d(er) stad va(n) loeven(en) tot de(n) goede(n) jans de smet/ en(de) coels wilen va(n) poed(er)le zijns zweers voir tgebreck van iii rijd(er)s/ lijftochte(n) de goede h(ier)na bescr(even) Te wete(n) een stuc lants houden(de) omtrint/ een boend(er) gelijc dat belege(n) is te morchove(n) t(er) plaetse(n) gehete(n) poe/ derleyne tussce(n) de(n) goede(n) he(re)n jans vand(er) meere(n) ridders en(de) henr(ix)/ va(n) poederle gehete(n) de(n) beer It(em) iii vierdel lants gehete(n) scostershoff/ gelege(n) ald(aer) aende wreederijt en(de) d(er) kijnd(er) erve va(n) kets It(em)/ een boend(er) lants [gehete(n) de hulse] gelege(n) aen poederleyne tussce(n) henr(icke) va(n) beemen/ en(de) henr(icke) yvete(n) [bertel van der voirt en(de) de gemeynstrate] Te houden en(de) te hebbe(n) va(n) halfm(er)te naestcomen(de)/ eene(n) t(er)mijn va(n) nege(n) jare(n) lang v(er)volgen(de) elcx jaers om en(de) voe(r) om/ drie rijnsche gulden(en) te xx stuv(er)s stuc te wete(n) de ii r(ijnsche) gul(den) d(aer) af te/ kersmisse naestcomen(de) en(de) alsoe voirt va(n) kersmisse te kersmisse jaerlijcx/ drie r(ijnsche) guld(en) ind(er) weerde(n) voirs(creven) de(n) voirs(creven) t(er)mijn duerende q(uo)l(ibet) ass(ecutu)[m]/ Met condicien dat de voirs(creven) jan binne(n) de(n) voirs(creven) t(er)mijne nege(n) vruchte(n)/ trecken sal vande(n) voirs(creven) goede also hij die zayen sal te(n) ware dat de/ voirs(creven) henric v(er)cochte soe sal de voirs(creven) jan zijn hande d(aer) af moeten/ doen de vruchte(n) van dien jare trecken en(de) de(n) voirs(creven) henricken de/ huere betalen It(em) sal de voirs(creven) jan de voirs(creven) goede jaerlijcx de(n) voirs(creven)/ t(er)mijn dueren(de) wynne(n) werve(n) en(de) mesten wel ende loflijc gelijc reenge/ noten boven ende beneden It(em) sal de voirs(creven) jan sonder afslach van des/ voirs(creven) is jaerlijcx betalen den chijs uuten voirs(creven) goeden gaende alsoe in/ tijts dat de voirs(creven) henricke d(aer) bij gheen scade en gesciede cor(am)/ lye(mingh)[en] roelofs sept(embris) vi