Item vanden stoote die geweest is tusschen thomase biesteal ter/ eender zijden en(de) (christ)inen weduwe arnts wilen robbijns ter ande(re)/ aengaende der questien vanden gedinghe dat tusschen den selven/ p(ar)tien geweest is voirmaels tuss voir meye(r) en(de) scepen(en) van/ loven(en) om xi peters en(de) x st(uvers) eens die de selve thomaes yesch/ der vors(creven) (christ)inen van eten en(de) drincken En vort van allen ande(re)n/ haefliken stucken en(de) eysschen die e(n)nich der selver p(ar)tien den/ ande(re)n zoude moghen eysschen oft doen totten daghe van heden/ en(de) des e(n)nich van dien aencleeft Hebben hen de selve p(ar)tien/ verbonden in segge(re)n en(de) vriendelike effene(re)n te weten de/ vors(creven) thomaes in wille(m)me rufflaert en(de) henricke de moldre/ van wave(r) en(de) de vors(creven) (christ)ine(n) in janne demee en(de) symonet?/ secretaris van wave(r) in sulker vueghen dat de vors(creven) thomaes/ den seggers sijnder weder p(ar)tien bynnen viii daghen naestcomen(de)/ sijn gebrec over gheven sal in gescrifte en(de) de vors(creven) (christ)ine(n)/ sal dair op hue(r) verantweerden en(de) hue(r) gebrec oic dat/ sij ten selven thoemase weert hebben mach overgheven ingescrifte
//
den segghers huer(er) wederp(ar)tien bynnen viii dagen dair na Ende/ dit geschiet sullen de vors(creven) seggers hier op hue(r) uutsprake doen/ bynnen viii daghen dair na op dat zijs eens zijn ende/ oft zijs niet eens geworden en connen zullen zij gesamend(er)/ hant nemen eenen overman die den selven seggers gelieve(n)/ sal die zijn uutsprake dair af doen sal bynnen viii dage(n)/ dair na Ende oft e(n)niger p(ar)tien segghere gebrake dat/ zij in die stat ande(re) gelike sullen mogen nemen sond(er) argelist/ Promitt(entes) ratu(m) cor(am) cock(eroul) ouder(ogghe) maii x