Item jan godfroit inden name van hem en(de) als man en(de) momboir/ jouffruwe marie van jauche zijns wijfs die hij hier inne/ gelooft te vervanghen in deen zijde en(de) jan de jauche brued(er)/ des vors(creven) jouffr(uwe) marien ter ande(re) zijn met malcande(re)n/ eensworden en(de) overcomen alse vanden gebreke dat die de
//
vors(creven) jan godfroit van huweliken vorweerden weghen oft andersins mette(n)/ vors(creven) zijnen zwagher te doen heeft aengaende erflijke oft haeflike/ saken oft hoedanich die wae(re)n totten daghe toe van heden inder/ vueghen hier na verclaert die zij malcande(re)n tot eeuwege(n)/ daghen gelooft hebben tonderhouden en(de) tachtervolghen Te/ weten(e) dat de vors(creven) jan de jauche quijt en(de) ongehouden sal zijn/ tot eeuweghen daghen van alle tghene dat de selve zijn/ zwagher oft zijn wijf tot hemwert mochte(n) hebben te segge(n)/ totten daghe toe van heden Bij alsoe dat de helicht van/ iiii mudden corens lov(ens) mate erflic die de vors(creven) jan de jauche/ heeft te torrebaix les beghines na de doot des selfs jans/ de jauche bliven en(de) versterven zullen moeten der vors(creven) jouffr(uwe)/ marien janne godfroits wijve en(de) hue(re)n erfgenamen tot/ eeuweghen daghen Ende alse vanden costen van rechte/ bij beide den vors(creven) p(ar)tien gedaen die sal draghen de vors(creven) jan/ godfroit des sal hij [dat] den vors(creven) janne [de] jauche gheven en(de) leve(re)n/ bynnen xiiii nachten naestcomen(de) vier mudde rox loven(se) mate/ eens en(de) te torrebaix leve(re)n ende om den vors(creven) janne [godfroit] va(n)d(er)/ helicht der vors(creven) vier mudden rox erflic versekert te zijne dat/ die des vors(creven) jans godfroits wijve oft hue(re)n erfgename(n) bliven sal na/ de doot des vors(creven) jans de jauche soe heeft de vors(creven) jan de jauche/ gelooft den vors(creven) ja(n)ne godfroit tzijnd(er) manissen en(de) coste alsulke(n) behoir/ like vestich(eit) d(aer) af te doen d(aer) mede des selves ja(n)s godfroits wijve oft/ hue(r) erfgename(n) te vreden en(de) verwaert zullen zijn En(de) hier mede/ sullen de vors(creven) p(ar)tien in wedersijde beslicht en(de) verenicht bliven van/ allen stooten en(de) gescille(n) die zij uut saken vand(er) huweliker vorwerde(n)/ tot malcande(re)n hebben gehadt en(de) geweest zijn totten dage toe va(n)/ heden Also dat de vors(creven) jan godfroit oft zijn wijf die hij gelijc vors(creven)/ steet hier inne vervangt oft hue(r) nacomelinge de(n) vors(creven) janne/ de jauche ny(m)mermeer d(aer) af noch van haefliken oft oic erflike(n)/ goeden oft renten d(aer) uut spruyten(de) en zullen mogen moyen eysschen/ te rechte betrecken noch aenspreken bij hem selven oft yeman(de) anders/ in ghene(n) rechte gestelijc noch weerlic in gheend(er) manie(re)n eisd(em)