Item de vors(creven) p(er)sone hebben den vors(creven) brief den vors(creven) henricke(n) bekint/ te dier meyni(n)ghen want de vors(creven) henric zwanfs voir de vors(creven)/ p(er)sone borghe steet met scepen(en) brieven van lov(en) aen wille(m)me/ stinen en(de) yden metten zijnen wyne voir iiii rijd(er)s lijftochten/ dair af den principalen brief is vand(er) daet xiiii[c] lvi xxi dage/ in julio oft geborde dat de vors(creven) drie p(er)sone den vors(chreven) henr(icke)/ niet en loste(n) vand(en) sel voirs(creven) lijfpensien te weten(e) vand(er) eend(er)/ helicht tusschen dit en(de) den xxi daghe van julio naestcomende/ over ii jair en(de) vand(er) ander helicht bynnen ii jae(re)n d(aer) na oft/ dat de selve henric voir de vors(creven) lijfpensie geprampt wordde/ dat hem dan de vors(creven) henric zwanfs metten vors(creven) brieve/ behulpen sal mogen om dair toe te comen en(de) ontslagen te wesen/ Ende de vors(creven) willem voir hem en(de) zijn wijf heeft hier/ inne geconsenteert en(de) toegeseeght zoe v(er)re hem van tijde te/ tijde zijnen pacht niet betaelt en wordt dat hij dan de vors(creven)/ p(er)sone voir de vors(creven) lijfpensie om afgeleeght oft verpant te worden/ boven desen niet pramen en sal het en wae(re) dat de vors(creven) p(er)sone oft/ e(n)nighe van hen aflivich wordd(en) oft dat zij kynlic verarmpden/ dan zoude hij met zijne(n) brieve(n) mogen wercken om te des(er) (con)dicien/ totten zijne(n) te comen En(de) in dien gevalle oft de vors(creven) p(er)sone oft e(n)nich/ va(n) hen also aflicich wordd(en) oft cranc worden zoe zoude oic de/ vors(creven) henr(ick) swanfs mogen vortsvae(re)n om v(er)sekert te zijne oft e(m)mer/ vand(en) leven(de) ande(re)n yelike(n) p(er)soen die aen hem principael staen soude/ te hebben of te gecrighen eisd(em)