Allen den ghenen dien dese l(ette)ren gethoent sullen wordden burg(er)meest(er)/ scepen(en) en(de) raide d(er) stat van loven(en) saluyt Doen cont dat opden/ dach datum van desen voir ons comen es in prope(re)n p(er)sone corniel(is)/ van landsacker jans sone woenen(de) te loven(en) inde viermolen en(de)/ heeft volcomen macht en(de) auctoriteit ghegeven zonder e(n)nich/ wederroepen willeme(n) van haesdonc voerspreke te vervolghe(n)/ te manen [en(de)] te eysschen met rechte [en(de) opteboren] alsulken x mudden raepsaet/ als daneel nabbe woenen(de) taerscot den vors(creven) cornielis/ sculdich en(de) belanc is uut saken van wettigher ende doeghdeliker/ coepmantscap d(air) af tussche(n) den selven [cornielise en(de) daneele geschiet] en(de) den selven d(air) af quijt te scelden
//
en(de) quijtancie te gheven Geloven(de) de vors(creven) cornielis wes/ bijden vors(creven) willeme(n) hier inne gevordert oft gedaen sal worden/ goet vast gestentich en(de) van weerden te houden en(de) dair/ tegen niet te doen in gheend(er) manie(re)n aug(usti) x