Item willem van colen lijsbeth scosters zijn wijf en(de) katlijne/ scosters hue(r) suster die gorde hanckart behoirlijc voir hoff en(de)/ here gegoet en(de) geerft hebben in alle hue(r) omberuerlike goede/ in woeni(n)ghen huysen hoven wynnen(en) lande beempden eeuselen/ bosschen chijse en(de) renten [en(de) erfpachten] met meer ande(re)n toebehoerte(n) wair/ die inden prochien van binckem ond(er) den co(m)mendeur he(re)n/ jacope uuten lyemi(n)gen ridde(r) en(de) tgodshuys van vliederbeke/ gelegen [sijn] die den vors(creven) gesuste(re)n e(n)nichsins bleven nade doot/ henricx wilen de coste(re) en(de) clissien vanden moere ouders der/ selver gesuste(re)n op vueghe dat zij daer inne hue(r) quiten/ drie jair lanc behielden welc quijten noch duert tot april/ naestcomen(de) In p(rese)ncia hebben tselve quijten geheelijck/ quijtgeschouwen en(de) gelooft die goede noch den vors(creven) gorde/ oft zijn goede en(de) nacomelinghe dair af noch van gheenen/ ande(re)n saken eysschinghe sculden condicien co(n)vencien toeseggen(de)
//
voir scepen(en) geloften so(m)men van ghelde dair inne de vors(creven) gort/ te he(m)wert gehouden mach zijn e(n)nichsins totten dage toe van/ heden ny(m)mermeer aente spreken te moyen noch te vexeren bij/ hen selven oft yemande and(er)s in gheenen rechte gheestelijck/ noch weerlic mair hier af tegen eenen yegeliken goet gerecht/ warant te zijne en(de) te bliven Op alsulke(n) condicie [Behalven] wart alsoe/ dat henric boedenvlas die des vors(creven) willems borge is en(de)/ voir hem te laste steet aen seke(re) p(er)sone voir zeke(re) sculden/ van lijfpensien oft anders aenverden woude vanden vors(creven) erfgoeden/ tusschen dit en(de) sint jansmesse baptisten naestcomen(de) die drie/ vierdelen eeusels oft driesch oft dair omtrent gelegen op kynd(er)/ rode velt inde prochie van binckem tusschen de goede der tafelen des/ heylighengheest van binckem en(de) jans wilen de plueghe(re) geheten/ loevere en(de) tderde gedeelte van eenen halven dach(mael) eeusels/ oft dair omtrent gelegen te corttenbroec tusschen janne kympe/ en(de) janne van erps die den vors(creven) wilen henr(icken) coste(re) en(de)/ clissen sijnen wijve toetebehoe(re)n plagen dair die vors(creven) gort oic/ inne gegoet is dat dan de vors(creven) gort den selven henricke/ die selve twee stucken erfs geheelic overgheven sal en(de) hem/ dair af sond(er) sijnen cost geheelic ontgoeden op also dat de selve/ henric als dan den selven wille(m)me vand(er) selver borchtocht/ geheelijc quijtscelden en(de) ongelast houden sal Ende oft henr(ic)/ vors(creven) des niet doen en woude noch dair [dit] op de vors(creven) manie(r)/ aennemen dat de selve gort dan de selve twee stucken/ erfs gelijc den ande(re)n goeden vors(creven) voir hem en(de) zijnen nacome/ lingen tot eeuwegen dagen met zijnd(er) guedingen sonder/ yemants wederseggen behouden en(de) peyslijc gebruyken sal Heeft/ vort gekint de vors(creven) lijsbeth scosters gelijc de vors(creven) willem hue(r)/ man en(de) katlijne hue(r) suster dat met ande(re)n brieven voir scepen(en)/ van loven(e) decembr(is) xii anno lxi gedaen hebben van allen den/ vors(creven) erfgoeden en(de) oic [van] alle(n) hue(re)n have(n) en(de) beruerlike goede(n) wair/ die bevonden oft hoese genoempt mogen wesen also wel die/ zeder der aflivich(eit) hue(re)r oud(er)s vanden vors(creven) erfgoeden comen/ mogen zijn als ande(re) hoedanich die zijn die zij al mits desen/ den vors(creven) gorde bekint v(er)cocht te hebben en(de) gehaven te hebben de so(m)me va(n)/ lxxvi rijd(er)s et p(ro)misit de he(re)d(itariis) bonis semp(er) sat(is)f(acere) ad mo(nitionem) et war(andizare) sub censu/ et iure d(omi)noru(m) fundi tamq(uam) p(ro)ut abs(oloens) sande oct(obris) xxii