Alsoe als voir den raide vand(er) stat comen sijn laureys van wynghe/ hughe van udekem en(de) jan de mol hebben(de) procuracie ond(er) deser stat/ zeghel van conrarde bastart van schoenvorst en(de) jouffr(ouwe) margriete(n)/ zijnen wijve weduwe jans wilen caluart metter selver jouffr(ouwe)/ margrieten in deen zijde en(de) jan vadoul in dande(re) aldair de vors(creven)/ procur(eur)s metter vors(creven) jouffr(ouwe) m(ar)grieten seyden hoe de vors(creven) jan/ vadoul hem nader aflivicheit vanden vors(creven) janne wilen caluwart/ der goede gebleven naden selven janne onderwonde ende die/ gehantplicht hadde sonder enighe rekeni(n)ghe d(aer) af te hebben/ gedaen Meynen(de) dat hij sculdich soude zijn rekeni(n)ghe en(de) bewijs/ van zijnen bewinde te doen en(de) hande te lichten vanden goeden/ bij vele reden(en) dair toe bij hen gealligeert en(de) ond(er) den ande(re)n/ want de vors(creven) jouffr(ouwe) m(ar)griete die moed(er) wae(re) billeken van/ hae(re)n kynde(re)n te vermomboe(re)n also na als een ande(r) en(de) tocht(er)sse/ vanden goeden naden lantrechte Oic hadde zij zeder der aflivich(eit)/ vanden vors(creven) janne afgegueten wel xii rijders lijfpensien vand(er)/ schout die hue(r) man gemaect hadde aende goede v(er)ty(m)mert/ over de ii[c] rijd(er)s en(de) de vors(creven) kynde(re) altijt gehouden van/ allen des hen gebreken mochte also dair toe behoerde ende/ men niet bevenden en soude dat vadoul noyet de kynde(re)/ te hemwert nam oft cost oft last van hen van montcoste/ clede(re)n schoen oft andersins hadde gehadt Dair op de vors(creven)/ jan vadoul allegeerde en(de) seyde dat de vors(creven) wilen jan in/ zijnen levende live voir scepen(en) d(er) vryheit van wave(re) hem/ last gegeven hadde zijn kynde(re) en(de) hue(r) goede te regeren en(de)/ gebeden dat hij den last dair af aennemen woude exhibe(re)nde/ dair af zeghele en(de) brieve Dair op de vors(creven) procur(eur)s repli/ ceerden seggen(de) dat zij die brieve van gheender weerden/ en hielden noch sculdich en wae(re)n van weerden gehouden te/ werdden Wair bij ten uutersten getermijneert en(de) voir/ reden(en) en(de) recht uutgesproken waert dat de stat de sake/ stelde van huer en(de) hadden p(ar)tien in e(n)niger zijden deen op/ den ande(re)n yet te volghen dat zij dat daden ter plaetsen
//
dair die dienden gevolght te zijne ende behoe(re)n mochten/ actum in pleno consilio octobr(is) xxiii