Item jan van screyberghen sone wijlen jans woenen(de) te berthe(m) in/ p(resen)cia heeft genomen ende bekint dat hij genome(n) heeft van jouffr(rouwe)/ lijsbetten van mulle weduwe jans wijlen is ysaac thoff der selver/ jouffr(ouwe) te berthem geleg(en) met allen den goeden dair toe behoiren(de)/ te berthem vors(creven) te cortbeke tolmendale en(de) dair omtrint geleg(en) in/ woeni(n)ghen huysen hove(n) stallen bogairden schue(re)n wynnende landen/ beemden [weyen] eeusselen ende sijnen toebehoirte(n) alsoe v(er)re jan gherijs/ die selve goede vand(en) voirs(creven) jouffr(ouwe) tot onlanx toe gehoude(n) heeft/ ende niet voirder uutgesceyden de cleyne schue(re) vanden voirs(creven)/ hove eene came(re) met eend(er) scouwen staende tegen den wouwe(r)/ d(er) voirs(creven) jouffr(ouwe) aende strate ende oic den wouweren omtrint/ den selven hove geleg(en) d(aer) inne de vors(creven) wynne gheen recht/ noch sacht hebben en sal noch de voirs(creven) jan gherijs van rechts/ weghen gehadt en heeft mair sal dair mede de selve jouffr(ouwe)/ hue(re)n vryen wille en(de) p(ro)fijt moigen doen Te houden te hebben/ ende te wynnen van s(en)[t] jansmesse baptisten lestled(en) eene(n) t(er)mijn/ van tweelf jae(re)n lanc due(re)nde deen nae dande(r) staphants sond(er)/ middel volgen(de) Elx jairs dae(re)nbynnen(n) de voirs(creven) wynnende lande/ ende bog(ar)den om ende voe(r) die helicht van allen den vruchte(n)/ in greyne ende oofte dair op jairlix wassende Ende de/ beemde weyen ende eeussele jairlix om ende voe(r) tweelf g(ri)pen/ te xl pl(a)c(ken) tstuc Te weten de voirs(creven) [helicht vande(n)] vruchten vand(en) landen/ comen(de) ter stont als die bijder voirs(creven) jouffr(rouwe) dorssche(re)n gedorssche(n)/ sal sijn ende de vors(creven) helicht vand(en) oofte staphants als dat/ gelesen sal zijn en(de) ter eerden geleecht der selv(er) jouffr(ouwe) te loven(en)/ te leve(re)n dairt hue(r) aldair ald(er)best gelieve(n) sal Ende de weyhue(r)/ ts(en)te mertensmisse jairlix te betalen der selver jouffr(ouwe) den voirs(creven)/ t(er)mijn due(re)nde quol(ibet) ass(ecutu)[m] Met vorweerden dat de voirscr(even)/ wynne de voirg(eruerde) vruchte(n) vand(en) landen jairlix soe wanneer/ zij tijtveerdich sijn op sijne(n) last sal doen picken t(er) eerd(er) vellen/ ende and(er)s behoirlic hante(re)n Ende als die tijdich selen sijn
//
te binden ende inne te doene sal hij dat moten cundigen d(er) voirscr(even)/ jouffr(ouwe) alsoe en tijts dat zij ald(aer) yema(n)ne die hue(r) gelieft op dat/ hue(r) gelieft sinden mach om dair toe te siene en(de) te hulpen dat/ hue(r) helicht voirs(creven) in hue(r) vors(creven) schue(r) come den welken de/ voirs(creven) wynne den montcost geven sal Ende sal de selve wy(n)ne/ altijt dierste voeder van elken stucke lants der voirs(creven) jouffr(ouwe)/ en(de) in hue(r) vors(creven) schue(r) aldair mote(n) vue(re)n en(de) leve(re)n vee hij tsijne/ sal moigen ruere(n) It(em) selen de voirs(creven) wynne ende jouffr(ouwe) te/ geliken coste doen lesen en(de) ter eerden leggen alle dooft vand(en)/ vors(creven) bog(ar)den Item heeft noch genome(n) en(de) bekint te hebben [genome(n)] de/ vors(creven) wynne vand(er) vors(creven) jouffr(ouwe) als vo vijf boend(er) en(de) een/ half dachmael lants geheete kerelant den vors(creven) termijn/ due(re)nde Elx jaire d(aer)enbynnen om en(de) voe(r) twee en(de) een half/ mudde(n) rocx goet en(de) payabel d(er) maten van loven(en) ts(in)[t] andries/ misse apostels te betalen en(de) te loeven(en) te leve(re)n d(er) selver jouffr(ouwe)/ als voe(r) quol(ibet) ass(ecutu)[m] Es voirt vorweerde en(de) besproken dat/ de voirs(creven) wynne en(de) [de] jouffr(ouwe) van malcande(re)n selen moige(n) sceyde(n)/ ten halven tide Bij alsoe dat de ghene die van hen die alsoe/ sceyden sal willen dat den ande(re)n een jair te voren sal moten/ cundigen Item sal de voirs(creven) wynne alle de voirs(creven) lande wy(n)nen/ werven mesten ende besaeyen jairlijcx zijnen voirs(creven) t(er)mijn lanc/ due(re)nde wel ende loflijc gelijc reengenoten boven ende beneden/ te weten den winterart op vie(r) getidege voren tgherste(n) lant/ op drie en(de) deven(en) lant op drie twee Ende die goede tsijnen/ afsceiden laten alsoe hij die bevonden heeft te weten ix boend(er)/ oft d(aer) omtrint met tarwen besaeyt op vier getidege vore(n) seve(n)/ boend(er) oft d(aer) omtri(n)t met rogghen op vier getidege vore(n) vijf boend(er)/ oft d(aer) omtri(n)t met ghersten op drie voren en(de) thien boend(er) oft daer/

omtrint met even(en) dair af een half boender besaeyt is met veetsen
//
op twee getideghe voren en(de) de binke houden(de) xv boender d(aer) af de/ ix tweewerf o(m)me gedaen op twee vore(n) en(de) de vi eens o(m)me gedaen/ op een vore It(em) sal de voirs(creven) wynne vanden voirs(creven) landen noch/ vanden archste(n) noch vanden beste(n) jairlix moigen besaeyen een/ half boend(er) met veetsen tsijne(n) beesten behoef It(em) sal de vors(creven)/ wynne noch hebben voir uut den vors(creven) t(er)mijn due(re)nde de weye/ vanden hove neve(n) pet(ere)n mette(n)s metten wynnen(de) lande(n) d(aer) toe be/ hoiren(de) en(de) oic den bog(ar)t aen tdofhuys neve(n) janne tielens totten/ wijtha(m)me toe soe v(er)re die voirs(creven) jan gherijs die oic tot nu onlancx/ gehouden heeft sonder der voirs(creven) jouffr(rouwe) dair af yet te gheve(n) Behalve(n)/ alleene de helicht vanden oofte vanden bog(ar)de aldair welc ooft men/ lesen ende leve(re)n moet als dander ooft voirs(creven) Behoudelic oic dat hij/ dese lande wynne(n) werve(n) en(de) meste(n) moet sijne(n) voirs(creven) t(er)mijn due(re)nde/ gelic reengenote(n) bove(n) ende beneden Ende die laten tsijne(n) afsceide(n)/ alsoe hijse aenveerde tsijne(n) inncomen It(em) sal de voirs(creven) wynne allet/ stroe ende peysteringe vand(en) voirs(creven) goede(n) comen(de) etten met sijnen/ beeste(n) int vors(creven) hof ende dat aldair te meste bekee(re)n ende dmest/ d(aer) af comende jairlix opde voirs(creven) lande ende egheen ande(r) moten/ vue(re)n ende bekee(re)n alsoe wel ten veersten alse ten naesten tslants/ meesten profite ende tsijnen afsceyden sal hij den selve(n) mesthoff/ ruymen en(de) dmest desgelix opde voirs(creven) lande vue(re)n ten meesten/ profite Behalven dat de voirs(creven) wynne jairlix der voirs(creven) jouffr(ouwe)/ sal moten leve(re)n vijftich mandelen walms om de huysinge des/ voirs(creven) hoofs mede te decken Ende alsmen dair dect oft plect sal/ de wynne den werclieden den montcost gheven en(de) dair toe halen/ leem teen en(de) dacroeden alsoe v(er)re de voirs(creven) vijftich mandelen strecke(n)/ en(de) niet voird(er) en(de) die jouffr(ouwe) sal de dachue(re)n betalen sal oic/ de selve wynne leve(re)n d(er) selver jouffr(ouwe) jairlix soe vele stroes als/ zij behoeve(n) sal om hue(r) wijng(ar)de allo(m)me waer die gelege(n) sijn te/ bynden en(de) noch twee mandelen somerstroes als zijs begheert
//
Item sal de voirs(creven) wynne alle de voirs(creven) huysinghe houden wel en(de)/ loflijc den voirs(creven) sijne(n) t(er)mijn due(re)nde vander underster rijkelen/ nederw(er)t op sijnen last en(de) die tsijne(n) afsceyden alsoe late(n) Item/ oft de voirs(creven) huysinge binne(n) den voirs(creven) t(er)mijne e(n)nig(er) ty(m)meringhen/ metselrien oft ande(re)n wercke behoifden d(aer) toe sal de wynne mote(n)/ halen hout calc steene ende ande(re) behoiften d(aer) m(ijn) jouffr(ouwe) vors(creven)/ hem dat bewijsen sal te halen Item en sal de voirs(creven) wynne/ negheene ande(re) lande dan d(er) voirs(creven) jouffr(ouwe) zijne(n) vors(creven) t(er)mijn/ due(re)nde moigen aenveerden houde(n) wynne(n) noch werve(n) sond(er) hue(re)n (con)sente It(em) alle lasten van hoydaigen en(de) coppelgelde opde vors(creven)/ goede staen(de) ende oic de lasten vanden vaerden voir die honden/ van boutsvoirt te doene oft dair e(n)nige te draigen moesten sijn/ sal de voirs(creven) wynne sonder afslach oft cortsel van des voirscr(even)/ steet jairlix mote(n) draigen Item want de voirs(creven) jouffr(ouwe) den vors(creven)/ wynne uute(n) vors(creven) hove oft anders leve(re)n sal hondert scape die/ die voirs(creven) wynne sal moten houden hante(re)n en(de) vervueden/ zijnen t(er)mijn due(re)nde van welken vervueden die wynne jairlix/ alst gewoenlic es sculdich es te hebben tvie(re)ndeel Soe es vorw(er)de/ dat de voirs(creven) jairlix desselfs wynnen vervueden vande(n) selven/ scapen te weten tvie(re)ndeel in afslaige hue(re)r voirs(creven) weyhue(re)n/ trecken en(de) te huerw(er)t aenveerden sal Te weten elc paer der selver/ voir een g(ri)pe alsulke als hij vand(er) selver weyhue(re)n sculdich is/ Ende soe wie van hen d(aer) inne te cort blijft sal den ande(re)n oplegge(n)/ Ende soe wanneer de voirs(creven) scapen blivende den vors(creven) wy(n)ne altijt/ bove(n) de betalinge d(er) voirs(creven) sijnd(er) weyhue(re)n gecomen en(de) gewassen/ selen sijn bove(n) tgetal van vijf xxv[en] soe sal de selve jouffr(ouwe)/ alle de selver scape bove(n) tselve getal van vijf xxv[en] wesende/ te huerw(er)t mote(n) trecken en(de) neme(n) en(de) den wynne dair af ongelast/ houden alsoe nochtan dat zij de maecste en(de) archste dair uut
//
hebben sal Ende de selve wynne en sal sijne(n) voirs(creven) t(er)mijn due(re)nde va(n)/ nyemande anders dan der selver jouffr(ouwe) e(n)nige scape moigen houden/ It(em) alle de grebben vanden landen voirs(creven) sal de voirs(creven) wynne houde(n)/ op sijne(n) last wel ende loflic alsoe datter de ploech altijt ov(er)gaen/ mach ende die alsoe tsijnen afsceyden laten It(em) alle die grechten/ ryolen wat(er)leyden straten weghen vreden en(de) quade hochte(n) in aen/ omtrint ende om alle de vors(creven) goede gaende en(de) liggende sal/ de voirs(creven) wynne sijne(n) vors(creven) t(er)mijn due(re)nde houden veghen ruyme(n)/ v(er)maken ende uutroden op sijne(n) last wel ende loflic ten behoir/ liken tide alsoe dat d(aer) af gheen schade en come ende die te(n) uutganc/ sijns vors(creven) t(er)mijns alsoe laten Behalve(n) de leydegreche aldair/ loepende inde beemde d(aer) af hij ongehouden sijn sal yet te doen/ oft te late(n) Ende totten voirs(creven) v(er)maken tuynen en(de) luyken sal/ de selve wynne jairlix de willeghen allo(m)me opde voirs(creven) goede/ staen(de) moigen truncken ten behoirliken tide op sijnen last en(de) die/ verdroighde willeghen moigen afhouwen tsijnder b(er)ringhe(n) behoif/ Op vueghe dat hij vanden voirs(creven) truncwilleghen m(ijn) jouffr(ouwe) vors(creven)/ soe wa(n)neer en(de) daer sijs beghe(re)n sal jairlix leve(re)n sal tweeduysent/ goeder staken Ende die alsoe gelevert sal hij van den wijng(ar)den/ d(aer) hij die uut hue(re)n beheete gelev(er)t sal hebben hue(r) wed(er)o(m)me/ thuys leve(re)n ende vue(re)n doude staken reven ende and(er)s vand(en)/ selve(n) wijng(ar)den gevallen It(em) sal oic de vors(creven) wynne als g/ m(ijn) jouffr(ouwe) hue(re)n wijn sal doen snyden hue(r) td terde cuype(n) ende/ and(er)s d(aer) toe dyenen(de) ende behoiren(de) aen hue(r) wijng(ar)den allo(m)me/ mote(n) vue(re)n en(de) den wijn gesneeden sijnde der selver jouffr(ouwe)/ thuys mote(n) leve(re)n ende vue(re)n It(em) alle de pote(n) die bove(n) des/ voirs(creven) steet vand(en) voirs(creven) truncwillege(n) vallen selen moigen/ sal de voirs(creven) wynne jairlix opde vors(creven) goede mote(n) sette(n) ende/ plante(n) dairs meest te doen sal sijn Behalve(n) oic dat de vors(creven)/ wynne vand(en) selve(n) willegen jairlix soe vele luecx ende and(er)e
//
d(er) voirs(creven) jouffr(ouwe) leve(re)n sal sij tot hue(r) wijtha(m)me aldair om dien/ te doen bevreden behoeven sal moigen It(em) sal hij oic d(er) selver jouffr(ouwe)/ jairlix mote(n) thuys leve(re)n de wyen vanden selven wijtha(m)me/ Ende sal de selve jouffr(ouwe) jairlix opde voirs(creven) willegen moigen/ doen snyden ende halen soe vele wyen als sij behoeve(n) sal moige(n)/ op hue(re) wyng(ar)de allo(m)me om die d(aer) mede te bynden It(em) oft de/ wijng(ar)de d(er) voirs(creven) jouffr(ouwe) behoifden gemest te sijne soe sal/ de wynne dmest dat en(de) dairt hem m(ijn) jouffr(ouwe) bewijsen sal mote(n)/ halen en(de) vue dat vue(re)n op hue(r) wijng(ar)den dair zijs beghe(re)n sal/ It(em) voir alle corweyden ende vruchten die de voirs(creven) wynne sal/ mote(n) doen sijne(n) vors(creven) t(er)mijn due(re)nde sal de voirs(creven) jouffr(ouwe) hen/ jairlix gheven vier ellen lakens oft xxxii stuv(er)s d(aer) voe(r) dwelc/ hue(r) best gelieft Item soe wanneer de selve wynne m(ijn) jouffr(ouwe)/ e(n)nige vracht te loven(en) bringhen oft van dair van hue(re)n wege(n)/ yet halen sal sal m(ijn) jouffr(ouwe) hem sijn montcoste(n) ende sijnen p(er)den/ coren in redelich(eit) gheven ende leve(re)n Item want alle de voirs(creven)/ beemde ende eeusele te gelden plaigen veerthien g(ri)pen die nu/ maer tweelf en gelden ende onder den selve beemde eenen/ is die geheete(n) den strijbeemt die hoghens behoift soe es/ vorweerde dat de selve wynne dien jairlix alsoe sal moten/ hogen op sijne last dat dien ten ynde vanden halve(n) t(er)mijne/ vors(creven) te wete(n) vand(en) sesse jae(re)n jairlix wel twee g(ri)pen gebetert/ sal sijn Ende op dat hij de voirs(creven) goede voirt dande(r) sesse jair/ uut blijft houden(e) soe sal hij telken d(er) selv(er) ande(r) sesse jae(re)n voir/ de vors(creven) weyhue(r) mote(n) gheve(n) en(de) betalen veerthien g(ri)pen Ende/ alle dese vorweerd(en) (con)ditie(n) en(de) gelusten vors(creven) (et)c(etera) inde su(n)t fide/ iussores d(i)c(t)i coloni t(am)q(uam) debit(ores) p(ri)ncipales indivisim gerard(us) gherijs/ f(ilius) q(u)[o]nd(am) symo(n)is braxtator (com)mor(ans) lo(van)[ii] supra biest et gerard(us) vand(er)/ ca(m)men f(ilius) qu[o]nd(am) petri (com)mor(ans) apud heverle Et p(rim)[(us)] pynnoc/ coucker(oul) julii v[ta]