Acht(er)volgen(de) der submissien voir scepen(en) van loeven(en) xxiii ap(ri)lis/ lestlede(n) gepasseert voir scepen(en) va(n) loven(en) tussce(n) janne hannarde/ t(er) eend(er) sijden en(de) janne de hont t(er) ande(re) hebben de segg(er)s ind(er) selv(er)/ submissien beg(re)pen hue(r) uutsprake gedaen in tide(n) en(de) wijlen zij/ dat na beg(ri)p vand(en) selve(n) (com)promisse v(er)mochte(n) ind(er) manie(re)n h(ier)/ na v(er)clairt Ende inden yersten op dierste point d(aer) ja(n) ha(n)narde/ geheyscht hadde de(n) vors(creven) janne den hont den zaet die hij op opde/ vier boend(er) lants gesayet hadde es hue(r) uutsprake dat de selve jan/ de hont hem d(aer) voe(r) opleggen en(de) restitue(re)n sal twee mudde(n) corens/ It(em) dat de vors(creven) jan de hont hem voirt restitue(re)n sal die helicht vanden/ vier mudden corens de helicht vand(en) iiii(½) mudde(n) even(en) en(de) de helicht/ van viii molevate(n) crocken die de(n) selve(n) ha(n)narde inde(n) uutgevene/ zijns t(er)mijns geloift wae(re)n gerestitueert te werdde(n) It(em) voirt hue(r)
//
segghen dat de vors(creven) jan de hont de(n) vors(creven) janne hannarde voir sijne(n)/ arbeyt vand(en) vors(creven) iiii boend(ere)n la(n)ts vierf werf tacke(re)n te eggen en(de) te/ saeyen gheven sal voir elc boender van dien xv stuv(er)s Ende desgelix/ vand(en) braken houden(de) omtri(n)t vi oft vii boender oft soe v(er)re de mate/ strect eens o(m)me te doene sal hem de vors(creven) jan de hont opleggen/ voir elc boend(er) van dien soe v(er)re de mate strect xiiii stuv(er)s It(em)/ sal voirt de vors(creven) jan de hont den vors(creven) janne hannarde vand(en)/ stortten soe v(er)re die strect te volacke(re)n die mair half geackert/ was gheve(n) en(de) betalen voer elc boend(er) van dien soe v(er)re die/ mate strect vii stuv(er)s Item es voirt hue(r) uutsp(ra)ke dat de vors(creven)/ jan de hont den vors(creven) janne ha(n)narde opleggen sal en(de) betalen/ van den vi daige(n) die de selve ha(n)narde seyde gemest te hebben/ en(de) oic voir dmest te spreyen dair voe(r) hij geheyscht hadde tsame(n)/ lxvi st(uvers) gheven en(de) betalen sal xxvi stuv(er)s It(em) alse vanden/ costen inder saken gedaen es hue(r) uutg uutsprake dat p(ar)tien/ dien half en(de) half draghen selen col(onia) couck(eroul) ap(ri)lis penult(ima)