Item want achter tusschen tvoirs(creven) erve ende de goede der/ voirs(creven) regenoeten desselfs alrehande opgaende hout/ gewassen steet dat tot desen voirs(creven) gegoedde(n) erve behoirt/ ende nerghe(re)ns els alsoe de voirs(creven) gehuysscen dat den/ voirs(creven) janne de smet volcomelijck toegeseecht ende/ geloeft hebben Soe es vorwerde tusschen de voirs(creven)/ p(ar)tien besproken wairt tsake dat den selve(n) janne/ tselve hout met rechte [af] gewo(n)nen worde dat hem/ dan aen de voirs(creven) so(m)me va(n) pe(n)ni(n)ghen oft rente/ soe vele gecort soude werdde(n) als tselve hout bij/ goeden mans dair toe in wed(er)sijde(n) genomen en(de) hen/ des verstaen(de) getaxeert soude wesen weert zijnde eisd(em)/ Navolgen(de) de(n) (com)p(ro)misse gesciet