Vanden stoote die geweest es ende geport tusschen jouffrouwe/ magrieten colve weduwe jans wilen van rode in zijnder tijt/ vorst(er)s te loeven(e) in deen zijde arnde bone en(de) magriete(n) colve/ zijn wijf in dande(re) Alse vanden gebreken die zij tot malcand(ere)n/ meynen te hebben uut saken vanden coepe die de vorscr(even)/ gehuysschen tegen der voirscr(even) jouffrouwen magrieten gedaen/ hebben ende van allen saken tusschen p(ar)tien uutstaende/ in e(n)nig(er) manie(re)n totten dage toe van heden hebben hen/ die vorscr(even) p(ar)tien verbonden ende gesubmitteert in segge(re)n/ ende vriendelike yffene(re)n Te weten in huyghen van/ udekem henrike van ghele verwe(r) pete(re)n beyart ende/ henric vasondt secretarijs d(er) stad van loeven(e) Met vor/ weerden dat p(ar)tien hue(r) saken tallen zijden soe eer/ soe bat in gescrifte den seggeren gemeynlic overgeven/ selen en(de) die gevisenteert hue(r) uutsprake eendrechtichlic/ oft de drie van hen doen bynnen xiiii nachte(n) naestco/ mende Promitten(tes) ratu(m) Ende oft e(n)niger p(ar)tien segge(re)n/ gebraken dat sij alrijt ande(re) in die stad selen moge(n)/ neme(n) absoloens couck(eroul) no(vem)[br(is)] x

Item de vors(creven) p(ar)tien hebben de vors(creven) submissie v(er)linght xiiii nacht/ lanc ind(en) vors(creven) manie(re)n cor(am) abs(oloens) cock(eroul) no(vembris) xxiiii