Item dieric byen cousmake(r) heeft gelooft hugen van udekem/ lieutenant vanden meye(r) van loven(en) tot ons gened(ichs) he(re)n behoef/ dat zij ter manessen vanden selven meye(r) heynken/ zijnen sone bringen sal int recht tegen den vors(creven)/ meye(r) ende inde banc voir hem en(de) scepen(en) van loven(en)/ van des hem de selve meye(r) vander helicheit wegen/ thyden(en) is in dien dat hij bij avonde aent kerchoff/ aen een meysken hantdadich soude hebben geweest niet/ tegenstaende eniger clergien oft ande(re)n behulpe i omald(aer)/ te lijden al des bij vonnisse van scepen(en) over den/ selven heynken dair aff gewijst sal worden ov(er)geven(de)/ al wart dat de vors(creven) meye(r) oft de lieutenant inden/ name van hem den voirs(creven) heynken(en) vanden vorscr(even)/ pointen crimmelic bethijden woud(en) dat zij he(m) dan/ met desen verborghen niet en souden behulpen noch/ bij dien allige(re)n dat de vors(creven) heynken vanden crimonele/ niet te bethiden en wae(r) roelofs cock(eroul) febr(uarii) xiiii