Item jan boene woenen(de) te caggevynne nu ter tijt vorste(r) ald(aer) ter eend(er) zijden/ en(de) daneel vander rivie(re)n woenen(de) nu ter tijt te tielt t(er) ande(re) die alrehande questie(n)/ eyssche en(de) gebreke en(de) gescille elc tegen en(de) op den ande(re)n hebben in p(rese)ncia hebben/ hen van allen dien in wederssijden verbonden ende gesubmitteert int uut(er)lijck/ vo(n)nisse ende v(er)clae(re)n van rechte der he(re)n scepen(en) van loven(e) Ende hebbe(n) geloift/ indivisim dat sij van nu voirtane van daige te daige die saken v(er)volghen/ selen en(de) sond(er) middel alle genechten (con)tinue(re)n tot dat alle de selve ge/ scillen in wed(er)sijden geutent selen zijn ende vo(n)nislijc geduemt Geloven(de)/ de selve p(ar)tien goet vast gestentich en(de) van weerden te houden ende/ altijt te voldoene des bijden voirs(creven) he(re)n scepen(en) van loven(e) hier inne vo(n)nislic/ uutgesproken sal werdden Ende om tvors(creven) gewijsde te voldoen es/ borghe des vors(creven) jans boene jan boene sone wilen wille(m)s zijn neve woenen(de)/ taerschot en(de) des vors(creven) daneels willem van optielt woenen(de) te tielt En(de) de/ selve p(ar)tien hebben elc hue(re)n borge vors(creven) h(ier) af geloift scadeloes te houde(n) en(de)/ te ontheffen Renu(n)c(iantes) d(i)c(t)e p(ar)tes et cor(am) fideiuss(oribus) q(uo)ad p(re)missa o(mn)ib(us) et singul(is) p(ri)vileg(iis) et libertatib(us) (et)c(etera) Hebbe(n) voirt h(ier) op beyde de vors(creven) p(ar)tien v(er)tege(n) va(n) alle vorderingen/ die sij hier af tot heir toe op malcand(ere)n te diest oft elde(r) mochte(n) hebbe(n) gevordert/ in e(n)nig(er) wijs cor(am) abs(oloens) couck(eroul) m(ar)tii xxvi