Item katlijne vanden broeke weduwe henricx wilen roeselere/ in yegenwordicheiden der scepen(en) van loven(en) gestaen heeft gekint/ ende gelijt voir hoir hair hae(re)n en(de) nacomelingen dat alsulken/ mudde rox goet en(de) payabel d(er) maten van loven(en) erflic [van dien ii mudden rox erflic ts(int) andr(ies) messe te betalen] als vormaels/ afgequeten zijn aen janne vanden borchove(n) [en(de) rase zijnen sone] ter tijt dat de vors(creven)/ wilen henric leefde die de selve jan en(de) raes va(n)de(n) borchove(n) zijn/ sone hadden aen en(de) op een stuc lants gelegen inde prochie van/ lynden [des selfs henricx roeselere] neven de gemeyne strate gaende van loven(en) ter kercken/ aldair tusschen de selve strate ter eend(er) en(de) de goede henricx/ vand(er) calste(re)n ter ande(re) comen(de) metten eene(n) eynde aende strate/ die vast aenden kerchof d(er) vors(creven) kerchof gaet geschiet is metten/ prope(re)n pe(n)ningen henricx roeselere sone des vors(creven) wilen henr(icx)/ en(de) niemans and(er)s Geloven(de) van des(er) kynnessen goet gerecht warant/ te zijne en(de) te bliven cor(am) eisd(em)