It(em) jan van daelhem geheeten van pamele sone wijlen jans va(n) boensbeke/ in p(rese)n cia heeft genomen ende bekint dat hij genome(n) heeft van jouffr(ouw)/ katlijnen spapen weduwe pet(er)s wijlen vand(en) breyne thoff der selver/ jouffr(ouwe) katlijne(n) geleg(en) te boensbeke metten wynnen(de) landen beemden/ eeusselen dair toe hoe(re)nde omtri(n)t den selven hove geleg(en) ende voirt/ alle dande(re) wynnen(de) lande en(de) beemde die de selve jouffr(ouw) opde(n) dach/ van heden te boensbeke voirs(creven) oft dair omtri(n)t liggen(de) heeft Te houden/ te hebben ende te wynne(n) van halfm(er)te lestled(en) eene(n) t(er)mijn van tweelf/ jae(e)n lanc due(re)nde deen nae dande(re) stapha(n)ts sond(er) middel volgen(de) Elx/ jaers d(aer)enbinne(n) de voirs(creven) wynnen(de) lande om en(de) voe(r) twintich sacken/ corens en(de) twee sacken terwen Elx grains goet en(de) payabel wel/ bereit met wanne en(de) vede(re)n maten van thien(en) te wete(n) vi halster/ loeven(sch) voer elken der selver sacke(n) gerekent en(de) pacht van boensbeke/ voirs(creven) alle jae(re) s(in)t andriesmisse apostels te betale(n) en(de) te loven(en) te leve(re)n/ dairt der voirs(creven) jouffr(ouw) gelieve(n) sal quol(ibet) ass(ecutu)[m] En(de) de voirs(creven) beemde en(de)/ eeussele jairlix om en(de) voe(r) neghenentwintich lichte guld(en) te thien/ stuv(er)s tstuc alle jae(re) s(in)[te] m(er)tensmisse te betalen der voirs(creven) jouffr(ouwe) quol(ibet)/ ass(ecutu)[m] Item es vorweerde dat de voirs(creven) wynne tsijnen afsceiden de/ voirs(creven) goede laten sal alsoe hijse bevond(en) heeft sonder die te moige(n)/ ontaerden Te weten omtri(n)t een boend(er) lants op vlaeschvelt achter/ boeslynte(re) It(em) omtri(n)t twee dach(mael) in twee stuck(en) geleg(en) op tselve/ velt It(em) dbloc acht(er) die schue(re) It(em) en(de) i(½) dach(mael) opden cruysberch al/ met wynt(er)coirne wel en(de) loflic besaeyt op vier getidege voren/ de stortte eens o(m)me gedaen en(de) de brake geheel It(em) sal de voirs(creven)/ wynne jairlix bynne(n) den vors(creven) hove mote(n) leve(re)n hond(er)t goeder custbaer(er)/ walme(re)n om de huysinghe ald(aer) mede te decken en(de) oft dair e(n)nighe/ walme(re) gebraken die sal de voirs(creven) jouffr(ouw) moten besorgen mair de/ vors(creven) wy(n)ne sal die mote(n) halen op sijne(n) cost ende alsme(n) ald(aer) decken/ sal sal de selve wynne den werclied(en) den montcost gheve(n) en(de) m(ijn)/ jouffr(ouw) de dachue(re)n betalen ende desgelix van plecken sal de selve/ wynne den werclieden den montcost gheve(n) It(em) waert tsake/ dat aende vors(creven) huysinge e(n)nich werc behoifde gemaict te/ wordden het ware van ty(m)mering(en) oft and(er) werc dat aende selve/ huysinge gebrake tot vier daigen toe d(aer) af sal oic de wy(n)ne de(n) werclied(en)
//
den montcost gheven en(de) die voirs(creven) jouffr(ouw) de dachue(re)n It(em) sal de/ zelve wynne alle den leem capstroe ende vorststroe leveren int/ voirs(creven) hof datmen daer verorbe(re)n sal It(em) sal voirt de zelve wy(n)ne/ alle de huysinge svoirs(creven) hoofs houden in goeden state vand(er) und(er)ster/ rijkelen nederw(er)t op sijnen cost It(em) sal de voirs(creven) jouffr(ouw) moighen/ jairlix houden dwater opden maeybeemt tot uutganc merte/ It(em) sal de voirs(creven) wynne alle de willeg(en) opde vors(creven) goede staende/ moigen truncken om de goede mede te bevreeden ende die v(er)droechde/ willegen afhouwen tsijnen behoef Bij alsoe dat hij voer elke setten/ sal twee levende poten vand(en) selven arde It(em) sal de vors(creven) wy(n)ne/ hebben ende moigen afhouwen en(de) te hemw(er)t neme(n) ten behoirlik(en)/ tide allet trunckhout dat om oft aen de voirs(creven) wynnen(de) lande/ vallen sal Item sal de voirs(creven) wynne de wijngartstaken/ halen alsoe vele alse de voirs(creven) jouffr(ouw) opden wijngart te/ boensbeke behoeven sal ende die aenden wijngart aldair/ vue(re)n ende desgelix den wijn int voirs(creven) hoff ende ter p(er)ssen/ weert ten behoirliken tide leve(re)n en(de) weder int voirs(creven) hoff/ bringhen als hij geperst sal zijn ende dien voirt alst m(ijn)/ jouffr(ouw) vors(creven) gelieve(n) sal te loeven(en) bringhen It(em) sal de voirs(creven)/ wynne alle de voirs(creven) lande jairlix zijnen vors(creven) t(er)mijn due(re)nde/ wynne(n) werve(n) en(de) meste(n) wel ende loflic gelijc reengenoten/ bove(n) ende beneden en(de) die laten tsijnen afsceiden gelijc vors(creven)/ steet Ende wairt tsake datse de vors(creven) wynne eens hoervruchte/ daer voe(r) sal hijse eens wel en(de) loflic overmeste(n) mair te(n) leste(n)/ jare van sijnen vors(creven) t(er)mijne en sal hij gheen lat(en) moige(n) hoervruchte(n)/ It(em) sal de vors(creven) wynne de bode(m)me wel en(de) loflic veghen op sijne(n)/ cost It(em) sal de voirscr(even) wynne allet tstroe vand(en) vors(creven) goeden/ comende int leste jair des(er) pechtingen ald(aer) te meste mak(en) ende/ alsdan inden mesthoff geheel late(n) It(em) sal de voirs(creven) jouffr(ouw) thue(re)n/ behoef int vors(creven) hof behouden de huysinge gelijc jan wijlen de/ pape hue(re) brued(er) die gewoenlic heeft geweest te behoud(en) It(em) sal/ de voirs(creven) wynne te(n) lesten jae(re) vanden voirs(creven) t(er)mijne als hij de/ voirs(creven) lande besaeyen sal moten te voren cundighen der selver
//
jouffr(ouwe) Ende alsdan sal de selve jouffr(ouw) op dat hue(r) gelieft eene(n) saeye(re)/ van hue(re)r hant moigen setten op des voirs(creven) wynnen cost It(em) en sal/ de vors(creven) wynne tvors(creven) goet van sijnd(er) hant in al noch in deele/ van sijnd(er) hant niet moigen uutgeven sond(er) der vors(creven) jouffr(ouwe) (con)sent/ It(em) sal de vors(creven) wynne alle dooft aldair [jairlix] wassen(de) moten ter eerden/ leve(re)n behoirlic op sijne(n) cost en(de) dat gedaen sal de vors(creven) wy(n)ne/ d(aer) af de twee deele en(de) de vors(creven) jouffr(ouw) tderdeel hebben en(de) der selv(er)/ jouffr(ouwe) derdeel sal de vors(creven) wynne hue(r) mote(n) te loven(en) leve(re)n It(em)/ selen die voirs(creven) wynne en(de) jouffr(ouw) [oft e(n)nich van hen] van malcande(re)n moighen sceyden/ ten halve(n) tide des voirs(creven) t(er)mijns Te wete(n) b te(n) yerste(n) sesse jaren op/ alsoe dat die ghene die sche alsoe sceiden sal willen dat den and(ere)n/ een jair te voren sal moten cundigen It(em) selen boven des vorscr(even)/ steet de vors(creven) wynne en(de) jouffr(ouw) jairlix int vors(creven) hof mote(n) leve(re)n/ mote(n) copen mest oft stroe te wete(n) de wynne om veertich stuv(er)s/ en(de) m(ijn) jouffr(ouw) om twintich stuv(er)s om t en(de) dat dwelc ten mesthove/ ald(aer) oft en(de) voirt opde vors(creven) goede [lande] nae dat tselve stroe te meste bekert/ sal sijn bijden vors(creven) wynne gevuert en(de) gedaen sal wordde(n) gelic den/ and(ere)n meste tslants meeste(n) p(ro)fite Ende tselve mest oft stroe dat alsoe/ bijder vors(creven) jouffr(ouwe) gecocht sal werdde(n) sal de vors(creven) wynne dair m(ijn) jouffr(ouw)/ dat g coepen sal oft v(er)crijge(n) moigen mote(n) halen en(de) vue(re)n gelic vors(creven)/ steet Ende alle dese vorweerd(en) (et)c(etera) langrode v(er)trike maii xxi