Allen den ghenen die dese l(ette)ren selen sien oft hoiren lesen burg(er)meeste(re)n/ scepen(en) ende rait der stad van loeven(en) saluit Doen te wete(n) dat voir ons/ comen is in p(ro)pren p(er)sone jouffr(ouw) magdalene lonijs weduwe diericx wilen/ van langrode ende heeft geconstituert gesedt volcome(n) macht p(ro)cu(ra)cie ende/ auct(ori)teit gegeven germaine van meldert behuwede sone der selver jouffr(ouwe) mag(dale)[ne(n)]/ alle [en(de) yeg(elike)] alsulken saken questien ende gescillen als de voirs(creven) jouffr(ouw) magdalene/ uutstaende heeft oft namaels uutstaende sal moege(n) hebben jege(n) wat p(er)sone/ oft voir wat p(er)sone [gerichte] gheestelijc oft weerlijc dat dat zijn oft gescien mochte/ Alle hue(re) jaergulden opcomi(n)gen rechten pachten v(er)vallen goeden beruerlijc/ ende onberuerlijc inden lande van brabant oft dair bute(n) te wat plaetse(n)/ zij die uutstaende heeft ende men hue(r) die sculdich is oft naemaels/ zijn sal in e(n)nig(er) manieren Te verwaren te manen teyssche(n) op te buere(n)/ ende tontfange(n) jege(n) oft aen wat p(er)sone(n) oft oec te wat plaetsen dat/ dat zijn mach dair voe(r) te dage(n) te pande(n) te beleyde(n) rastemente/ te doen leggen die met rechte texeq(ue)re(n) te v(er)volge(n) ende te vordere(n) alle scep(enen)/ brieve met rechte te vo(n)nissen en(de) texploite(re)n na costume en(de) gewoente vande(n)/ plaetsen d(aer) dat behoire(n) sal oft behoeve(n) soude moege(n) En(de) ofts noet/ geboirde voir alle richte(re)n gheestelijc en(de) weerlijck met rechte hue(re) sake(n)/ te (con)testere(n) te decline(re)n texcipiere(n) te reco(n)veniere(n) te v(er)antwerde(n) te bescudde(n)/ te bedinge(n) alle gescriften en(de) libellen over te geve(n) en(de) te neme(n) te repli/ ceren te duplice(re)n (et)c(etera) Alsoe wale int p(ri)ncipael als int accessoir alsoe/ dicwile en(de) menichw(er)ven als des te doen sal zijn getuge(n) met rechte ver/ sueken bedwonge(n) te werden tot huerre deposicie(n) die te leyden der wed(er)p(ar)tie(n)/ getugen te zien zweren die te battere(n) hue(re) deposicie(n) te wederleggen/ also dicwile en(de) menichw(er)ve(n) alst behoeve(n) en(de) behoire(n) sal alle huere/ saken met rechte te wynne(n) te verliesen P(ro)mitt(entes) ratu(m) salvis (com)putac(i)o(n)e et/ sat(is)f(a)c(ti)one ac assig(na)cione de p(ro)miss(ionibus) junii xviii