Item vander aenspraken die jan laureys [vorst(er) te lov(en)] gedaen heeft tot andriese/ van rosmeer insgelix vorste(re) te loven(en) alse vanden xxviii(½) ryns/ guld(en) seggen(de) dat de vors(creven) andries die uut handen willems/ pols opgehaven en(de) ontfangen soude hebben uut saken van zeke(re)n/ cope van houte die de selve willem gedaen hadde tegen lodewike/ van oppendorp dair af den gront den vors(creven) janne toebehoirt also/ hij seide Meynende uut dien dat de voirs(creven) andries gehouden/ soude zijn hem die pe(n)ningen uut te reyken en(de) te betalen D(aer)/ tegen de selve andries dede seggen dat hij die pe(n)ningen also/ hijse ontfangen hadde wedero(m)me overgelevert hadde met/ meer ande(re)n pe(n)ningen in orber en(de) proffite des vors(creven) jans/ lodewike uuter helicht en(de) oic voir dbeleiden van zijnder vroente(n)/ Bieden(de) dat te thoenen en(de) metten mynsten te gestane (et)c(etera) Es/ ghewijst bij vonnissen der scepen(en) van loven(en) ter manessen/ smeyers na aensprake en(de) verantweerden van beide den p(ar)tien/ en(de) thoenesse des vors(creven) andr(ies) die zijns vors(creven) vermets vol/ bracht heeft dat de vors(creven) andries vand(er) vors(creven) aenspraken/ ongehouden zijn sal p(rese)ntib(us) o(mn)ibus scabinis junii xxi