Cont zij allen lieden dat geraert [en(de) jan] du pont [gebruede(re)] soen(en) jans dupont/ van truwelimster ind(en) [lande van luydick] in jegewoirdicheide(n) der/ scepen(en) van loven(en) gestaen heeft genome(n) en(de) bekint dat/ hij genome(n) heeft vanden eerwerdegen vad(er) in gode den/ abte sgoidsh(uys) van heyleshem thof des selfs goidsh(uys) gelege(n)/ inden dorpe van pellen mette(n) wy(n)nen(de) lande(n) en(de) beempde(n)/ gelijc [dat] die gehouden heeft peet(er) noyens van lijsmeal en(de)/ voe(r) hem jan van raetshoven van wese(re) mett(er) grot(er) thiende(n)/ van pellen de(n) voirs(creven) goidshuyse oic toebehoiren(de) al tsame(n) in/ pechtinge(n) en(de) hueri(n)gen te houden(e) en(de) te hebben(e) van half/ meerte lestleden eene(n) t(er)mijn van ix [neghen] jae(re)n lanc dueren(de)/ sond(er) middel deen na dander [volgen(de)] Elcx jairs dae(re)nbinne(n) o(m)me/ viven(de)tachtentich mudden pachts corens maten van thienen/ goet ende payabel met wanne en(de) vede(re)n wel bereit ts(in)[te]/ andriesmisse ap(oste)ls te betalene en(de) vijftich mudde vanden voirs(creven)/ coirne int cloest(er) opden spijker te leve(re)n en(de) dand(er) int voirs(creven)/ hoff te pellen den voirs(creven) t(er)mij(n) due(re)nde en(de) telken t(er)mijne/ als v(er)volghde schout En(de) oic hoefken acht(er) de schue(re) geleg(en)/

elcx jairs om vijf stuv(er)s It(em) sal de wy(n)ne jairlijcx leve(re)n en(de)/ betalen twintich mudden soe even(en) soe spelte(n) mate van thiene(n)/ goet en(de) payabel voir x mudden corens voirs(creven) in afslage der/ voirs(creven) so(m)men vand(en) coirne It(em) sal de voirs(creven) wy(n)ne jairlijcx/ den voirs(creven) t(er)mijn duren(de) betalen den raepsaet dieme(n) sculd(ich)/ is der kerken van pellen op een cleyn hoefken bij tvoirs(creven)/ hof van pellen geleg(en) sonder afslach der voirs(creven) sijnd(er) so(m)men/ It(em) sal de voirs(creven) wynne jairlijcx leve(re)n viii[c] walme(re) ende/ tsjars die v(er)decken op sijnen cost ende dachue(re) in nuwen/ dake opde voirs(creven) huysinge des hoifs It(em) is voirwerde dat de/ voirs(creven) wy(n)ne den voirs(creven) t(er)mijn duren(de) sculd(ich) sal sijn den cost te/ doen(e) vanden wercluden alsmen int voirs(creven) hof te ty(m)meren/ te muere(n)ne te plecken(e) oft te decken(e) sal hebben soe in/ nuwen wercke oft wat te her maken(e) en(de) des sal hij den/ afval hebben vanden spaende(re)n It(em) sal de voirs(creven) wynne sculd(ich)/ sijn te doen h(er)maken op sijnen cost wae(re) wat te vorsten(e)/ oft te plecken(e) dat een man mocht doen in tween dagen/ aende voirs(creven) huysinge It(em) sal de voirs(creven) wynne alle de lande/ d(er) voirs(creven) p(ro)fstien toebeh(oirende) sijnen t(er)mijn duren(de) wel wynnen en(de)
//
werven gelijck reengenoten boven en(de) beneden en(de) wel mesten ende alsoe/ laten in sijne(n) uutgane Te weten de brake wel geackert de stortte eens/ o(m)megedaen en(de) den wint(er)aerdt wel ende loflijc gewonnen geworve(n) en(de)/ bezaet Van welken wint(er)aerde mijn hee(re) dabt vanden voirs(creven) goidshuyse den/ helicht vand(er) wynt(er) vruchten trecken sal ten lesten jae(re) en(de) de wynne/ dander helicht It(em) sal de voirs(creven) wynne alle tstroe dat vanden/ voirs(creven) lande ende thienden comen sal vue(re)n ende bringen int voirscr(even)/ hoff ende dat in meste beke(re)n ende dat mest opde lande vue(re)n tslants/ meesten p(ro)fijte ende nerge(re)ns elde(r) It(em) sal de voirs(creven) wynne tsjaers/ planten xxv pooten ende die wel verwaren en(de) verdoirne(n) It(em) sal de/ voirs(creven) wynne int uutgaen van sijnre getontsten int voirs(creven) hoff laten/ twee goede voede(re) hoys voermaets It(em) sal m(ijn) hee(re) den wynne/ voirs(creven) corten van tempeeste ende schaden gelijc de secundarie kerken/ haren wy(n)nen en(de) sculdene(re)n doen It(em) want den voirs(creven) wy(n)ne in sijne(n)/ incomen geleent is vanden voirs(creven) he(re)n x mudden cor(en) thiensche/ maten eens en(de) xxv guld(en) peet(er)s soe is voirwerde dat de voirscr(even)/ wynne dat voirs(creven) coren ende gelt wed(er)om betalen sal int uutgaen/ sijnre getonste It(em) sal de voirs(creven) wynne tsjaers afreken(en) een mudde/ corens voirs(creven) vand(er) vors(creven) so(m)men als voir eene(n) rock die hij tsjaers/ hebben soude van m(ijn) hee(re) den abt voirs(creven) Ende alle dese voir/ werden punten (con)dicien en(de) geluften voirs(creven) heeft geloift de voirscr(creven)/ wynne den voirs(creven) abdte vast en(de) gestentich te houden ende te/ voldoen tallen tijden en(de) t(er)mijnen alse die vallen en(de) v(er)schijne(n) sele(n)/ en(de) telken t(er)mijne als v(er)volghde schout Hier af zijn borgen/ svoirs(creven) wynne als principael sculde(re)n ongesundert en(de) ongesceiden/ en(de) elck voe(r) al wout(er) van meensele ende abeert de mont va(n) lijshe(m)/ woenen(de) te lijshem Te weten(e) dat dese borgen voirs(creven) staen sele(n)/ den voirs(creven) t(er)mijn duren(de) voe(r) alle (con)dicien vorwerden en(de) geluften/ h(ier) inne begrepen en(de) voe(r) de leeni(n)ge boven genopen in alle manie(re)n/ nae tenue(re) van des(er) loen(en) ende oic van jae(re) te jae(re) voir eene(n) jairpacht/ vanden voirs(creven) goeden ende niet voirder Welke borgen de voirs(creven)/ wynne [beyde] geloift heeft [hebben] h(ier) af schadeloes ende co(m)merloes tontheffen/ H(ier) waeren over willem(air) langrode ap(ri)l(is) xv