Item franchois ketel woenen(de) nutertijt taelst dreye(r) in p(rese)ncia/ heeft geloft van nu vortaen te houden en(de) op te vueden op zijnen/ cost en(de) last en(de) na sijn beste joesken vand(er) straten natuerlic sone wilen/ wouters vand(er) straten die de selve wout(er) achterg d(aer)af de vo/ die de selve wout(er) achter gelaten heeft van m(ar)grieten ketels/ dochter des vors(creven) franchois d(aer)af zij van hem bevrucht bleeff tot/ dat de selve joesken out sal wesen seven jair op dat de vors(creven)/ franchois seven jair leeft en(de) niet and(er)s Sonder dat yemant/ and(er)s vand(en) selven joesken bynnen desen middelen tijde gepraempt/ oft gelast sal wesen in e(n)niger manie(re)n mits seke(re) so(m)me(n) va(n) pe(n)ninge(n)/ die jan vand(er) strate(n) brued(er) des vors(creven) wilen wout(er)s den vors(creven) franchoze/ betaelt heeft en(de) ut gracien gegeve(n) heeft voir alsulke(n) kynd(er)bedt/ ghelt d(er) vors(creven) m(ar)gr(iete) dat zij gehadt heeft vand(en) voirs(creven) joesken hue(re)n/ sone en(de) anders dair inne de selve franchois der vors(creven) m(ar)gr(iete)/ sijnd(er) docht(er) in sijne(n) broede wesen(de) geloft heeft te vervangen Et/ t(antu)m p(rese)nt(ibus) roelofs burg(imagist)[ro] julii xx