Allen den ghene(n) die dese l(ette)ren selen sien oft hoiren/ lesen burg(er)meeste(re)n scepen(en) ende raid d(er) stad van loeven(en) saluit/ Doen te wete(n) dat opden dach datu(m) van desen voir ons come(n) is/ in p(ro)pren p(er)sone her jacop uute(n) lyemi(n)gen he(re) va(n) wange ridde(re) en(de)/ heeft geconstitueert gesedt volcome(n) p(ro)cu(ra)cie macht en(de) auct(ori)teyt/ gegeve(n) janne de clerc sone ev(er)arts wile(n) de clerc en(de) matheeus/ oems woenende te binckem oft den eene(n) va(n) hen bringe(re) sbriefs/ alle alsulken saken en(de) questie(n) alse de voirs(creven) her jacop uutsten(de)/ heeft oft namaels hebben soude moege(n) voir wat gerichte gheestel(ic)/ ende weerlijc dat dat dat sijn oft gescien mochte alle zijn/ jaergulden opcomi(n)ge(n) en(de) v(er)valle(n) alle zijn goede beruerlike en(de)/ onberuerlike chisen rinte(n) erfpachte(n) als hij heeft en(de) namaels he(m)/ valle(n) selen inde(n) lande va(n) brabant oft eldere te wat plaetsen/ dat hij die uutstaende heeft en(de) men hem die sculdich is ofte/ namaels wesen sal in e(n)niger maniere(n) te verware(n) te mane(n) te/ eysscen op te buere(n) en(de) tontfange(n) tege(n) oft aen wat p(er)sone(n) oft/ oec te wat plaetsen dat dat zijn mach dair voe(r) te dage(n)/ te pande(n) te beleyde(n) rasteme(n)te te doen legge(n) die met rechte/ texeq(ue)re(n) te v(er)volge(n) en(de) te vordere(n) na gewoente en(de) costume vande(n)/ plaetsen dair dat behoire(n) en(de) behoeve(n) soude moege(n) en(de) op dats/ noot geboirde met rechte te v(er)antw(er)den te bescudden te bedinge(n) te/ wynne(n) en(de) te verliesen composicie en(de) mynlike yffeni(n)ge dair af/ te make(n) de(n) sculders va(n) dat zij en(de) elc van hen ontfange(n) sal/ te quitere(n) volcome(n) quit(ancie) d(aer) af te gheve(n) donber(uerde) goede des/ voirs(creven) h(ere)n jacops te hantlichte(n) te v(er)pachte(n) te verhuere(n) en(de) met/ jaerschare(n) uut te gheve(n) en(de) g(e)n(er)alijc ende specialijc d(aer) inne en(de)/ des dien aencleve(n) mach te doen en(de) te vordere(n) allet des/ bijde(n) voirs(creven) geconstituerden oft de(n) eene(n) va(n) hen bringe(re) sbriefs/ gelijc oft de voirs(creven) h(er) jacop telk(er) plaetsen jeg(en) oft voirt/ oege(n) ware dair inne gedaen en(de) gevordert soude moege(n) werde(n)/ p(ro)mitt(entes) ratu(m) et q(uod) p(ro)cu(rato)res facie(n)t (com)pute(m) et ass(erti)[o(n)e] de f(a)c(ultat)is et recept(oribus)/ sept(embris) xxv